Sutra Navigation: Jambudwippragnapati ( जंबुद्वीप प्रज्ञप्ति सूत्र )

Search Details

Mool File Details

Anuvad File Details

Sr No : 1007721
Scripture Name( English ): Jambudwippragnapati Translated Scripture Name : जंबुद्वीप प्रज्ञप्ति सूत्र
Mool Language : Ardha-Magadhi Translated Language : Hindi
Chapter :

वक्षस्कार ३ भरतचक्री

 Translated Chapter :

वक्षस्कार ३ भरतचक्री
Section : Translated Section :
Sutra Number : 121 Category : Upang-07
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तए णं से भरहे राया अज्जियरज्जो निज्जियसत्तू उप्पन्नसमत्तरयणे चक्करयणप्पहाणे नवनिहिवई समिद्धकोसे बत्तीसरायवरसहस्साणुयायमग्गे सट्ठीए वरिससहस्सेहिं केवलकप्पं भरहं वासं ओयवेइ, ओयवेत्ता कोडुंबियपुरिसे सद्दावेइ, सद्दावेत्ता एवं वयासी– खिप्पामेव भो देवानुप्पिया! आभिसेक्कं हत्थिरयणं पडिकप्पेह, हय गय रह पवरजोहकलियं चाउरंगिणिं सेन्नं सण्णा हेह, एतमाणत्तियं पच्चप्पिणह। तए णं ते कोडुंबिय पुरिसा जाव पच्चप्पिणंति। तए णं से भरहे राया जेणेव मज्जनघरे तेणेव उवागच्छइ, उवागच्छित्ता मज्जनघरं अनुपविसइ, अनुपविसित्ता समुत्तजालाकुलाभिरामे तहेव जाव धवलमहामेह निग्गए इव गहगण-दिप्पंतरिक्ख-तारागणाण मज्झे ससिव्व पियदंसणे नरवई मज्जनघराओ पडिनिक्खमइ, पडि-निक्खमित्ता हय गय रह पवरवाहण भड चडगर पहकरसंकुलाए सेनाए पहियकित्ती जेणेव बाहिरिया उवट्ठाणसाला जेणेव आभिसेक्के हत्थिरयणे तेणेव उवागच्छइ, उवागच्छित्ता अंजनगिरिकूडसन्निभं- गयवइं नरवई दुरुढे। तए णं तस्स भरहस्स रन्नो आभिसेक्कं हत्थिरयणं दुरुढस्स समाणस्स इमे अट्ठट्ठमंगलगा पुरओ अहानुपुव्वीए संपट्ठिया तं जहा–सोत्थिय-सिरिवच्छ-नंदियावत्त वद्धमाणग भद्दासण मच्छ-कलस-दप्पणे। तयनंतरं च णं पुण्णकलसभिंगारं दिव्वा य छत्तपडागा सचामरा दंसण रइय आलोय दरिसणिज्जा वाउद्धुय विजयवेजयंती य ऊसिया गगनतलमणुलिहंती पुरओ अहानुपुव्वीए संपट्ठिया। तयनंतरं च णं वेरुलिय भिसंत विमलदंडं पलंबकोरंटमल्लदामोवसोभियं चंदमंडलनिभं समूसियं विमलं आयवत्तं पवरं सीहासनं वरमणिरयणपादपीढं सपाउयाजोयसमाउत्तं बहुकिंकर कम्मकर पुरिस पायत्तपरिक्खित्तं पुरओ अहानुपुव्वीए संपट्ठियं। तयनंतरं च णं सत्त एगिंदियरयणा पुरओ अहानुपुव्वीए संपट्ठिया, तं जहा– चक्करयणे छत्तरयणे चम्मरयणे दंडरयणे असिरयणे मनिरयणे कागनिरयणे। तयनंतरं च णं नव महानिहिओ पुरओ अहानुपुव्वीए संपट्ठिया, तं जहा–नेसप्पे पंडुयए पिंग-लए सव्वरयणे महापउमे काले महाकाले मानवगे संखे। तयनंतरं च णं सोलस देवसहस्सा पुरओ अहानुपुव्वीए संपट्ठिया। तयनंतरं च णं बत्तीसं रायवरसहस्सा अहानुपुव्वीए संपट्ठिया। तयनंतरं च णं सेनावइरयणे पुरओ अहानुपुव्वीए संपट्ठिए। एवं गाहा-वइरयणे वड्ढइरयणे पुरोहियरयणे। तयनंतरं च णं इत्थिरयणे पुरओ अहानुपुव्वीए संपट्ठिए। तयनंतरं च णं बत्तीसं उडुकल्लाणि-यासहस्सा पुरओ अहानुपुव्वीए संपट्ठिया। तयनंतरं च णं बत्तीसं जणवयकल्लाणियासहस्सा पुरओ अहानुपुव्वीए संपट्ठिया। तयनंतरं च णं बत्तीसं बत्तीसइबद्धा णाडगसहस्सा पुरओ अहानुपुव्वीए संपट्ठिया। तयनंतरं च णं तिन्नि सट्ठा सूयसया पुरओ अहाणु-पुव्वीए संपट्ठिया। तयनंतरं च णं अट्ठारस सेणिप्पसेणीओ पुरओ अहानुपुव्वीए संपट्ठियाओ। तयनंतरं च णं चउरासीइं आससय-सहस्सा पुरओ अहानुपुव्वीए संपट्ठिया। तयनंतरं च णं चउरासीइं हत्थिसयसहस्सा पुरओ अहानुपुव्वीए संपट्ठिया। तयनंतरं च णं चउरासीइं रहसयसहस्सा पुरओ अहानुपुव्वीए संपट्ठिया। तयनंतरं च णं छन्नउई मनुस्सकोडीओ पुरओ अहानुपुव्वीए संपट्ठियाओ। तयनंतरं च णं बहवे राईसर तलवर माडंबिय कोडुंबिय इब्भ सेट्ठि सेनावइ सत्थवाहप्पभितओ पुरओ अहानुपुव्वीए संपट्ठिया। तयनंतरं च णं बहवे असिलट्ठिग्गाहा कुंतग्गाहा चावग्गाहा चामरग्गाहा पीढग्गाहा पासग्गाहा फलग्गाहा पोत्थग्गाहा वीणग्गाहा कूवग्गाहा हडप्पग्गाहा दीवियग्गाहा–सएहिं-सएहिं रूवेहिं, एवं वेसेहिं चिंधेहिं निओएहिं सएहिं-सएहिं नेवत्थेहिं पुरओ अहानुपुव्वीए संपट्ठिया। तयनंतरं च णं बहवे दंडिणो मुंडिणो सिहंडिणो जडिणो पिच्छिणो हासकारगा खेड्डकारगा दवकारगा चाडुकारगा कंदप्पिया कोकुइया मोहरिया गायंता य वायंता य नच्चंता य हसंता य रमंता य कीलंता य सासेंता य सावेंता य जावेंता य रावेंता य सोभेंता य सोभावेंता य आलोयंता य जयजयसद्दं च पउंजमाणा पुरओ अहानुपुव्वीए संपट्ठिया। तयनंतरं च णं जच्चाणं तरमल्लिहायणाणं हरिमेलामउलमल्लिअच्छीणं चंचुच्चिय ललिय पुलिय चल चवल चंचलगईणं लंघण वण्णग धावण धोरण तिवइ जइण सिक्खियगईणं ललंत लाम गललाय वरभूसणाणं मुहभंडग ओचूलग थासग अहिलाण चमरीगंडपरिमंडियकडीणं किंकरवर-तरुणपरिग्गहियाणं अट्ठसयं वरतुरगाणं पुरओ अहानुपुव्वीए संपट्ठियं। तयनंतरं च णं ईसिदंताणं ईसिमत्ताणं ईसितुंगाणं ईसिउच्छंगविसाल धवलदंताणं कंचनकोसी पविट्ठदंताणं कंचनमणिरयणभूसियाणं वरपुरिसारोहगसंपउत्ताणं अट्ठसयं गयाणं पुरओ अहानु-पुव्वीए संपट्ठियं। तयनंतरं च णं सच्छत्ताणं सज्झयाणं सघंटाणं सपडागाणं सतोरणवराणं सनंदिघोसाणं सखिंखिणी-जालपरिक्खित्ताणं हेमवयचित्ततिणिसकनगणिजुत्तदारुगाणं कालायससुकयनेमिजंत-कम्माणं सुसिलिट्ठवत्तमंडलधुराणं आइण्णवरतुरगसुसंपउत्ताणं कुसलनरच्छेयसारहिसुसंपग्गहियाणं बत्तीसतोणपरिमंडियाणं सक्कंकडवडेंसगाणं सचावसरपहरणावरणभरियजुद्धसज्जाणं अट्ठसयं रहाणं पुरओ अहानुपुव्वीए संपट्ठियं। तयनंतरं च णं असि सत्ति कुंत तोमर सूल लउल भिंडिमाल धनुपाणिसज्जं पायत्ताणीयं पुरओ अहानुपुव्वीए संपट्ठियं। तए णं तस्स भरहस्स रन्नो पुरओ महआसा आसधरा, उभओ पासिं नागा नागधरा, पिट्ठओ रहा रहसंगेल्ली अहानुपुव्वीए संपट्ठिया। तए णं से भरहाहिवे नरिंदे हारोत्थयसुकयरइयवच्छे कुंडलउज्जोइयाणणे मउडदित्तसिरए नरसीहे नरवई नरिंदे नरवसभे मरुयरायवसभकप्पे अब्भहियरायतेयलच्छीए दिप्पमाणे पसत्थ-मंगलसएहिं संथुव्वमाणे जयसद्दकयालोए हत्थिखंधवरगए सकोरंटमल्लदामेणं छत्तेण धरिज्ज-माणेणं सेयवरचामराहिं उद्धुव्वमाणीहिं-उद्धुव्वमाणीहिं जक्खसहस्ससंपरिवुडे वेसमणे चेव धनवई अमरवइसन्निभाए इड्ढीए पहियकित्ती चक्करयणदेसियमग्गे अनेगरायवरसहस्साणुयायमग्गे महया-उक्किट्ठिसीहनायबोलकलकलरवेणं पक्खुभियमहा समुद्दरवभूयं पिव करेमाणे-करेमाणे सव्विड्ढीए सव्वज्जुईए सव्वबलेणं सव्वसमुदएणं सव्वायरेणं सव्वविभूसाए सव्वविभूईए सव्ववत्थ-पुप्फ-गंध-मल्लालंकारविभूसाए सव्वतुरियसद्दसन्निणाएणं महया इड्ढीए जाव महया वरतुरियजमगसमग-पवाइएणं संख पनव पडह भेरि झल्लरि खरमुहि मुरव मुइंग दुंदुहि निग्घोस नाइयरवेणं गामागर नगर खेड कब्बड मडंब दोणमुह पट्टणासम संबाह सहस्समंडियं थिमियमेइणीयं वसुहं अभिजिणमाणे-अभिजिणमाणे अग्गाइं वराइं रयणाइं पडिच्छमाणे-पडिच्छमाणे तं दिव्वं चक्करयणं अनुगच्छमाणे-अनुगच्छमाणे जोयणंतरियाहिं वसहीहिं वसमाणे-वसमाणे जेणेव विनीया रायहानी तेणेव उवा-गच्छइ, उवागच्छित्ता विनीयाए रायहानीए अदूरसामंते दुवालसजोयणायामं नवजोयणविच्छिण्णं वरनगरसरिच्छं विजय खंधावारणिवेसं करेइ, करेत्ता वड्ढइरयणं सद्दावेइ, सद्दावेत्ता एवं वयासी– खिप्पामेव भो देवानुप्पिया! मम आवासं पोसहसालं च करेहिं, करेत्ता ममेयमाणत्तियं पच्चप्पिणाहि। तए णं से वड्ढइरयणे भरहेणं रन्ना एवं वुत्ते समाणे हट्ठतुट्ठ-चित्तमानंदिए नंदिए पीइमणे परमसोमणस्सिए हरिसवसविसप्पमाणहियए करयलपरिग्गहियं सिरसावत्तं मत्थए अंजलिं कट्टु एवं सामी! तहत्ति आणाए विनएणं वयणं पडिसुनेइ, पडिसुणेत्ता भरहस्स रन्नो आवसहं पोसहसालं च करेइ, करेत्ता एयमाणत्तियं खिप्पामेव पच्चप्पिणति। तए णं से भरहे राया आभिसेक्काओ हत्थिरयणाओ पच्चोरुहइ, पच्चोरुहित्ता जेणेव पोसहसाला तेणेव उवागच्छइ, उवागच्छित्ता पोसहसालं अनुपविसइ, अनुपविसित्ता विनीयाए रायहानीए अट्ठमभत्तं पगिण्हइ, पगिण्हित्ता पोसहसालाए पोसहिए बंभयारी उम्मुक्कमणिसुवण्णे ववगयमालावण्णगविलेवने निक्खित्तसत्थमुसले दब्भसंथारोवगए एगे अबीए अट्ठमभत्तं पडिजागर-माणे-पडिजागरमाणे विहरइ। तए णं से भरहे राया अट्ठमभत्तंसि परिणममाणंसि पोसहसालाओ पडिनिक्खमइ, पडि-निक्खमित्ता कोडुंबियपुरिसे सद्दावेइ, सद्दावेत्ता एवं वयासी–खिप्पामेव भो देवानुप्पिया! आभिसेक्कं हत्थिरयणं पडिकप्पेह जाव तहेव अंजनगिरिकूडसन्निभं गयवइं नरवई दुरुढे, तं चेव सव्वं जहा हेट्ठा नवरिं नव महानिहिओ चत्तारि सेनाओ न पविसंति, सेसो सो चेव गमो जाव निग्घोसनाइयरवेणं विनीयाए रायहानीए मज्झंमज्झेणं जेणेव सए गिहे जेणेव भवनवरवडेंसगपडिदुवारे तेणेव पहारेत्थ गमणाए। तए णं तस्स भरहस्स रन्नो विणीयं रायहाणिं मज्झंमज्झेणं अनुपविसमाणस्स अप्पेगइया देवा विणीयं रायहाणिं सब्भंतरबाहिरियं आसियसंमज्जिओवलित्तं करेंति, अप्पेगइया मंचाइमंचकलियं करेंति, अप्पगइया नानाविहरागवसणुस्सियधयपडागाइपडागामंडितं करेंति, अप्पेगइया लाउल्लोइय महियं करेंति, अप्पेगइया गोसीससरसरत्तदद्दरदिण्णपंचंगुलितलं जाव गंधवट्टिभूयं करेंति, अप्पेगइया हिरण्णवासं वासंति, अप्पेगइया सुवण्ण रयण वइर आभरणवासं वासंति। तए णं तस्स भरहस्स रन्नो विणीयं रायहाणिं मज्झंमज्झेणं अनुपविसमाणस्स सिंघाडग तिग चउक्क चच्चर चउम्मुह महापहपहेसु बहवे अत्थत्थिया कामत्थिया भोगत्थिया लाभत्थिया इड्ढिसिया किब्बिसिया कारोडिया कारभारिया संखिया चक्कियानं मुहमंगलिया पूसमाणया वद्धमाणया लंखमंखमाइया ताहिं ओरालाहिं इट्ठाहिं कंताहिं पियाहिं मणुन्नाहिं मणामाहिं सिवाहिं धन्नाहिं मंगल्लाहिं सस्सिरीयाहिं हिययगमणिज्जाहिं हिययपल्हायणिज्जाहिं वग्गूहिं अनवरयं अभिनंदंता य अभिथुणंता य एवं वयासी–जय-जय नंदा! जय-जय भद्दा! जय-जय नंदा! भद्दं ते, अजियं जिणाहि, जियं पालयाहि, जियमज्झे वसाहि, इंदो विव देवाणं, चंदो विव ताराणं, चमरो विव असुराणं, धरणो विव नागाणं, बहूइं पुव्वसयसहस्साइं बहूईओ पुव्वकोडीओ बहूईओ पुव्व-कोडाकोडीओ विनीयाए रायहानीए चुल्लहिमवंतगिरिसागरमेरागस्स य केवलकप्पस्स भरहस्स वासस्स गामागर नगर खेड कब्बड मडंब दोणमुह पट्टणासम सन्निवेसेसु सम्मं पयापालणो-वज्जियलद्धजसे महया हयनट्ट गीय वाइय तंती तल ताल तुडिय घण मुइंग पडुप्पवाइयरवेणं विउलाइं भोगभोगाइं भुंजमाणे आहोवच्चं पोरेवच्चं सामित्तं भट्टित्तं महत्तरगत्तं आणा-ईसर-सेनावच्चं कारेमाणे पालेमाणे विहराहित्तिकट्टु जयजयसद्दं पउंजंति। तए णं से भरहे राया नयनमालासहस्सेहिं पेच्छिज्जमाणे-पेच्छिज्जमाणे वयणमालासहस्सेहिं अभिथुव्वमाणे-अभिथुव्वमाणे हिययमालासहस्सेहिं उन्नंदिज्जमाणे-उन्नंदिज्जमाणे मनोहरमाला-सहस्सेहिं विच्छिप्पमाणे-विच्छिप्पमाणे कंतिरूवसोहग्गगुणेहिं पत्थिज्जमाणे-पत्थिज्जमाणे अंगुलि -मालासहस्सेहिं दाइज्जमाणे-दाइज्जमाणे दाहिणहत्थेणं बहूणं नरनारीसहस्साणं अंजलिमाला सहस्साइं पडिच्छमाणे-पडिच्छमाणे भवनपंतिसहस्साइं समइच्छमाणे-समइच्छमाणे तंती तल ताल तुडिय गीय वाइय-रवेणं मधुरेणं मणहरेणं मंजुमंजुणा घोसेणं अपडिवुज्झमाणे-अपडिवुज्झमाणे जेणेव सए गिहे जेणेव सए भवनवरवडेंसयदुवारे तेणेव उवागच्छइ, ... ...भवनवरवडेंसयदुवारे आभिसेक्कं हत्थिरयणं ठवेइ, ठवेत्ता आभिसेक्काओ हत्थि-रयणाओ पच्चोरुहइ, पच्चोरुहित्ता सोलस देवसहस्से सक्कारेइ सम्मानेइ, सक्कारेत्ता सम्मानेत्ता बत्तीसं रायसहस्से सक्कारेइ सम्मानेइ, सक्कारेत्ता सम्मानेत्ता सेनावइरयणं सक्कारेइ सम्मानेइ, सक्कारेत्ता सम्मानेत्ता एवं गाहावइरयणं वड्ढइरयणं पुरोहियरयणं सक्कारेइ सम्मानेइ, सक्कारेत्ता सम्मानेत्ता तिन्नि सट्ठे सूयसए सक्कारेइ सम्मानेइ, सक्कारेत्ता सम्मानेत्ता अट्ठारस सेणि-प्पसेणीओ सक्कारेइ सम्मानेइ, सक्कारेत्ता सम्मानेत्ता अन्ने वि बहवे राईसर तलवर माडंबिय कोडुंबिय इब्भ सेट्ठि सेनावइ सत्थवाहप्पभितओ सक्कारेइ सम्मानेइ, सक्कारेत्ता सम्मानेत्ता पडिविसज्जेइ, ... ... इत्थीरयणेणं, बत्तीसाए उडुकल्लाणियासहस्सेहिं, बत्तीसाए जनवयकल्लाणिया-सहस्सेहिं, बत्तीसाए बत्तीसइबद्धेहिं नाडयसहस्सेहिं सद्धिं संपरिवुडे भवनवरवडेंसगं अईइ जहा कुबेरो व्व देवराया केलाससिहरिसिंगभूतं। तए णं से भरहे राया मित्त नाइ नियग सयण संबंधि परियणं पच्चुवेक्खइ, पच्चुवेक्खित्ता जेणेव मज्जनघरे तेणेव उवागच्छइ, उवागच्छित्ता जाव मज्जनघराओ पडिनिक्खमइ, पडि-निक्खमित्ता जेणेव भोयणमंडवे तेणेव उवागच्छइ, उवागच्छित्ता भोयणमंडवंसि सुहासनवरगए अट्ठमभत्तं पारेइ, पारेत्ता उप्पिं पासायवरगए फुट्टमाणेहिं मुइंगमत्थएहिं बत्तीसइबद्धेहिं नाडएहिं वरतरुणीसंपउत्तेहिं उवलालिज्जमाणे-उवलालिज्जमाणे उवनच्चिज्जमाणे-उवनचिज्जमाणे उवगिज्जमाणे-उवगिज्जमाणे महया हयनट्ट गीय वाइय तंती ताल तुडिय घन मुइंगपडुप्पवाइयरवेणं इट्ठे सद्दफरिसरसरूवगंधे पंचविहे मानुस्सए कामभोगे भुंजमाणे विहरइ।
Sutra Meaning : राजा भरत ने इस प्रकार राज्य अर्जित किया – । शत्रुओं को जीता। उसके यहाँ समग्र रत्न उद्‌भूत हुए। नौ निधियाँ प्राप्त हुईं। खजाना समृद्ध था – । बत्तीस हजार राजाओं से अनुगत था। साठ हजार वर्षों में समस्त भरतक्षेत्र को साध लिया। तदनन्तर राजा भरत ने अपने कौटुम्बिक पुरुषों को बुलाकर कहा – ‘देवानुप्रियों ! शीघ्र ही आभिषेक्य हस्तिरत्न को तैयार करो, चातुरंगिणि सेना सजाओ। राजा स्नान आदि कृत्यों से निवृत्त होकर अंजनगिरि के शिखर के समान उन्नत गजराज पर आरूढ़ हुआ। स्वस्तिक, श्रीवत्स आदि ये आठ मंगल राजा के आगे चले – उनके बाद जल से परिपूर्ण कलश, भृंगार, दिव्य छत्र, पताका, चँवर तथा दर्शन रचित – राजा को दिखाई देने वाली, आलोक – दर्शनीय – हवा से फहराती, उच्छित, विजयध्वजा लिये राजपुरुष चले। तदनन्तर वैडूर्य – की प्रभा से देदीप्यमान उज्ज्वल दंडयुक्त, लटकती हुई कोरंट पुष्पों की मालाओं से सुशोभित, चन्द्रमंडल के सदृश आभामय, समुच्छित – आतपत्र, सिंहासन, श्रेष्ठ मणि – रत्नों से विभूषित – पादुकाओं की जोड़ी रखी थी, वह पादपीठ – चौकी, जो किङ्करों, भृत्यों तथा पदातियों – क्रमशः आगे रवाना किये गये। तत्पश्चात्‌ चक्ररत्न, छत्ररत्न, चर्मरत्न, दण्डरत्न, असिरत्न, मणिरत्न, काकणीरत्न – ये सात एकेन्द्रिय रत्न यथाक्रम चले। उनके पीछे क्रमशः नौ निधियाँ चलीं। उनके बाद १६००० देव चले। उनके पीछे ३२००० राजा चले। उन के पीछे सेनापतिरत्न, गाथापतिरत्न, वर्धकिरत्न तथा पुरोहितरत्न ने प्रस्थान किया। तत्पश्चात्‌ स्त्रीरत्न – सुभद्रा, ३२००० ऋतुकल्याणिकाएं तथा ३२००० जनपदकल्याणिकाएं – यथाक्रम चलीं। उनके पीछे बत्तीस – बत्तीस अभिनेतव्य प्रकारों से परिबद्ध – ३२००० नाटक चले। तदनन्तर ३६० सूपकार, अठारह श्रेणि – प्रश्रेणि जन – चले। उनके पीछे क्रमशः ८४ लाख घोड़े, ८४ लाख हाथी, ९६ करोड़ मनुष्य – चले। तत्पश्चात्‌ अनेक राजा, ईश्वर, तलवर, सार्थवाह आदि चले। तत्पश्चात्‌ असिग्राह, लष्टिग्राह, कुन्तग्राह, चापग्राह, चमरग्राह, पाशग्राह, फलकग्राह, परशुग्राह, पुस्तकग्राह, वीणाग्राह, कूप्यग्राह, हड़प्फग्राह तथा दीपिकाग्राह – यथाक्रम चले। उस के बाद बहुत से दण्डी, मुण्डी, शिखण्डी, जटी, पिच्छी, हास – कारक, विदूषक, खेड्डकारक, द्रवकारक, चाटुकारक, कान्दर्पिक, कौत्कुचिक तथा मौखरिक – यथाक्रम चलते गये। यह प्रसंग विस्तार से औपपातिकसूत्र के अनुसार संग्राह्य है। राजा भरत के आगे – आगे बड़े – बड़े कद्दावर घोड़े, घुड़सवार दोनों ओर हाथी, हाथियों पर सवार पुरुष चलते थे। उस के पीछे रथ – समुदाय यथावत्‌ रूप से चलता था तब नरेन्द्र भरतक्षेत्र का अधिपति राजा भरत, जिसका वक्षःस्थल हारों से व्याप्त, सुशोभित एवं प्रीतिकर था, अमरपति – तुल्य जिसकी समृद्धि सुप्रशस्त थी, जिससे उसकी कीर्ति विश्रुत थी, समुद्र के गर्जन की ज्यों सिंहनाद करता हुआ, सब प्रकार की ऋद्धि तथा द्युति से समन्वित, भेरी, झालर, मृदंग आदि अन्य वाद्यों की ध्वनि के साथ सहस्रों ग्राम, आकर, नगर, खेट, कर्वट, मडम्ब से युक्त मेदिनी को जीतता हुआ उत्तम, श्रेष्ठ रत्न भेंट के रूप में प्राप्त करता हुआ, दिव्य चक्ररत्न का अनुसरण करता हुआ, एक – एक योजन के अन्तर पर पड़ाव डालता हुआ, रुकता हुआ, जहाँ विनीता राजधानी थी, वहाँ आया। राजधानी से थोड़ी ही दूरी पर बारह योजन लम्बा, नौ योजन चौड़ा सैन्य शिबिर स्थापित किया। अपने उत्तम शिल्पकार को बुलाया। विनीता राजधानी को उद्दिष्ट कर – राजा ने तेला किया, डाभ के बिछौने पर अवस्थित राजा भरत तेले में प्रतिजागरित – रहा। तेला पूर्ण हो जाने पर राजा भरत पौषधशाला से बाहर निकला। कौटुम्बिक पुरुषों को बुलाया, आभिषेक्य हस्तिरत्न को तैयार करने, स्नान करने आदि का वर्णन पूर्ववत्‌ है। आगे का वर्णन विनीता राजधानी से विजय हेतु अभियान के समान है। केवल इतना अन्तर है कि विनीता राजधानी में प्रवेश करने के अवसर पर नौ महानिधियों ने तथा चार सेनाओं ने राजधानी में प्रवेश नहीं किया। राजा भरत ने तुमुल वाद्य – ध्वनि के साथ विनीता राजधानी के बीचों – बीच चलते हुए जहाँ अपना पैतृक घर था, जगद्वर्ति निवासगृहों में सर्वोत्कृष्ट प्रासाद का बाहरी द्वार था, उधर चला। जब राजा भरत निकल रहा था, उस समय कतिपय जन विनीता राजधानी के बाहर – भीतर पानी का छिड़काव कर रहे थे, गोबर आदि का लेप कर रहे थे, मंचातिमंच – की रचना कर रहे थे, तरह – तरह के रंगों के वस्त्रों से बनी, ऊंची, सिंह, चक्र आदि के चिह्नों से युक्त ध्वजाओं एवं पताकाओं ने नगरी के स्थानों को सजा रहे थे। अनेक दीवारों लीप रहे थे, अनेक धूपमहक से नगरी उत्कृष्ट सुरभिमय बना रहे थे, कतिपय देवता उस समय चाँदी की, स्वर्ण, रत्न, हीरों व आभूषणों की वर्षा कर रहे थे जब राजा भरत विनीता राजधानी के बीच से किल रहा था तो नगरी के सिंघाटक, तिकोने स्थानों, महापथों पर बहुत से अभ्यर्थी, कामार्थी, भोगार्थी, लाभार्थी, ऋद्धि के अभिलाषी, किल्बिषिक, कापालिक, करबाधित, शांखिक, चाक्रिक, लांगलिक, मुखमांगलिक, भाट, चारण, वर्धमानक, लंख, मंख, उदार, इष्ट, कान्त, प्रिय, मनोज्ञ, मनाम, शिव, धन्य, मंगल, सश्रीक, हृदयगमनीय, हृदय – प्रह्लादनीय, वाणी से एवं मांगलिक शब्दों से राजा का अनवरत – अभिनन्दन करते हुए, अभिस्तवन करते हुए – जन – जन को आनन्द देनेवाले राजन्‌ ! आपकी जय हो, विजय हो। जन – जन के लिए कल्याणस्वरूप राजन्‌ ! आप सदा जयशील हों। आपका कल्याण हो। जिन्हें नहीं जीता है, उन पर आप विजय प्राप्त करें। जिनको जीत लिया है, उनका पालन करें, उनके बीच निवास करें। देवों में इन्द्र की तरह, तारों में चन्द्र की तरह, असुरों में चमरेन्द्र की तरह तथा नागों में धरणेन्द्र की तरह लाखों पूर्व, करोड़ों पूर्व, कोड़ाकोड़ी पूर्व पर्यन्त सम्पूर्ण भरतक्षेत्र के ग्राम, आकर – यावत्‌ सन्निवेश – इन सबका सम्यक्‌ पालन कर यश अर्जित करते हुए, इन सबका आधिपत्य, पौरोवृत्य, स्वामित्व, भर्तृत्व, महत्तरत्व, आज्ञेश्वरत्व, सेना – पतित्व – इन सबका सर्वाधिकृत रूप में सर्वथा निर्वाह करते हुए निर्बाध, निरन्तर अविच्छिन्न रूप में नृत्य, गीत, वाद्य, वीणा, करताल, तूर्य – एवं घनमृदंग – आदि के निपुणतापूर्ण प्रयोग द्वारा निकलती सुन्दर ध्वनियों से आनन्दित होते हुए, विपुल – प्रचुर – अत्यधिक भोग भोगते हुए सुखी रहें, यों कहकर उन्होंने जयघोष किया। राजा भरत का सहस्रों नर – नारी अपने नेत्रों से बार – बार दर्शन कर रहे थे। वचनों द्वारा गुणसंकीर्तन कर रहे थे। हृदय से अभिनन्दन कर रहे थे। अपने शुभ मनोरथ – इत्यादि उत्सुकतापूर्ण मनःकामनाएं लिये हुए थे। सहस्रों नर – नारी – ये स्वामी हमें सदा प्राप्त रहें, बार – बार ऐसी अभिलाषा करते थे। नर – नारियों द्वारा अपने हजारों हाथों से उपस्थापित अंजलिमाला – को अपना दाहिना हाथ ऊंचा उठाकर बार – बार स्वीकार करता हुआ, घरों की हजारों पंक्तियों को लांघता हुआ, वाद्यों की मधुर, मनोहर, सुन्दर ध्वनि में तन्मय होता हुआ, उसका आनन्द लेता हुआ, जहाँ अपना सर्वोत्तम प्रासाद का द्वार था, वहाँ आया। आभिषेक्य हस्तिरत्न को ठहराया, नीचे उतरकर १६००० देवों का, ३२००० राजाओं का, सेनापतिरत्न, गाथापतिरत्न, वर्धकिरत्न तथा पुरोहितरत्न का, तीन सौ साठ पाचकों का, अठारह श्रेणि – प्रश्रेणि – जनों का, माण्डलिक राजाओं, ऐश्वर्यशाली, प्रभावशाली पुरुषों तथा सार्थवाहों आदि का सत्कार – सम्मान किया। उन्हें सत्कृत – सम्मानित कर सुभद्रा नामक स्त्रीरत्न, ३२००० ऋतु – कल्याणिकाओं तथा ३२००० जनपद – कल्याणिकाओं, बत्तीस – बत्तीस अभिनेतव्य विधिक्रमों से परिबद्ध बत्तीस हजार नाटकों से – संपरिवृत्त राजा भरत कुबेर की ज्यों कैलास पर्वत के शिखर के तुल्य अपने उत्तम प्रासाद में गया। राजा ने अपने मित्रों, निजक, स्वजन तथा सम्बन्धियों से कुशल – समाचार पूछे। स्नान आदि संपन्न कर स्नानघर से बाहर निकला, भोजनमण्डप में आकर सुखासन पर बैठा, तेले का पारणा किया। अपने महल में गया। वहाँ मृदंग बज रहे थे। बत्तीस – बत्तीस अभिनेतव्य विधिक्रम से नाटक चल रहे थे, नृत्य हो रहे थे। यों नाटककार, नृत्यकार, संगीतकार राजा का मनोरंजन कर रहे थे। राजा का कीर्ति – स्तवन कर रहे थे। राजा उनका आनन्द लेता हुआ सांसारिक सुख का भोग करने लगा।
Mool Sutra Transliteration : [sutra] tae nam se bharahe raya ajjiyarajjo nijjiyasattu uppannasamattarayane chakkarayanappahane navanihivai samiddhakose battisarayavarasahassanuyayamagge satthie varisasahassehim kevalakappam bharaham vasam oyavei, oyavetta kodumbiyapurise saddavei, saddavetta evam vayasi– khippameva bho devanuppiya! Abhisekkam hatthirayanam padikappeha, haya gaya raha pavarajohakaliyam chauramginim sennam sanna heha, etamanattiyam pachchappinaha. Tae nam te kodumbiya purisa java pachchappinamti. Tae nam se bharahe raya jeneva majjanaghare teneva uvagachchhai, uvagachchhitta majjanagharam anupavisai, anupavisitta samuttajalakulabhirame taheva java dhavalamahameha niggae iva gahagana-dippamtarikkha-taraganana majjhe sasivva piyadamsane naravai majjanagharao padinikkhamai, padi-nikkhamitta haya gaya raha pavaravahana bhada chadagara pahakarasamkulae senae pahiyakitti jeneva bahiriya uvatthanasala jeneva abhisekke hatthirayane teneva uvagachchhai, uvagachchhitta amjanagirikudasannibham- gayavaim naravai durudhe. Tae nam tassa bharahassa ranno abhisekkam hatthirayanam durudhassa samanassa ime atthatthamamgalaga purao ahanupuvvie sampatthiya tam jaha–sotthiya-sirivachchha-namdiyavatta vaddhamanaga bhaddasana machchha-kalasa-dappane. Tayanamtaram cha nam punnakalasabhimgaram divva ya chhattapadaga sachamara damsana raiya aloya darisanijja vauddhuya vijayavejayamti ya usiya gaganatalamanulihamti purao ahanupuvvie sampatthiya. Tayanamtaram cha nam veruliya bhisamta vimaladamdam palambakoramtamalladamovasobhiyam chamdamamdalanibham samusiyam vimalam ayavattam pavaram sihasanam varamanirayanapadapidham sapauyajoyasamauttam bahukimkara kammakara purisa payattaparikkhittam purao ahanupuvvie sampatthiyam. Tayanamtaram cha nam satta egimdiyarayana purao ahanupuvvie sampatthiya, tam jaha– chakkarayane chhattarayane chammarayane damdarayane asirayane manirayane kaganirayane. Tayanamtaram cha nam nava mahanihio purao ahanupuvvie sampatthiya, tam jaha–nesappe pamduyae pimga-lae savvarayane mahapaume kale mahakale manavage samkhe. Tayanamtaram cha nam solasa devasahassa purao ahanupuvvie sampatthiya. Tayanamtaram cha nam battisam rayavarasahassa ahanupuvvie sampatthiya. Tayanamtaram cha nam senavairayane purao ahanupuvvie sampatthie. Evam gaha-vairayane vaddhairayane purohiyarayane. Tayanamtaram cha nam itthirayane purao ahanupuvvie sampatthie. Tayanamtaram cha nam battisam udukallani-yasahassa purao ahanupuvvie sampatthiya. Tayanamtaram cha nam battisam janavayakallaniyasahassa purao ahanupuvvie sampatthiya. Tayanamtaram cha nam battisam battisaibaddha nadagasahassa purao ahanupuvvie sampatthiya. Tayanamtaram cha nam tinni sattha suyasaya purao ahanu-puvvie sampatthiya. Tayanamtaram cha nam attharasa senippasenio purao ahanupuvvie sampatthiyao. Tayanamtaram cha nam chaurasiim asasaya-sahassa purao ahanupuvvie sampatthiya. Tayanamtaram cha nam chaurasiim hatthisayasahassa purao ahanupuvvie sampatthiya. Tayanamtaram cha nam chaurasiim rahasayasahassa purao ahanupuvvie sampatthiya. Tayanamtaram cha nam chhannaui manussakodio purao ahanupuvvie sampatthiyao. Tayanamtaram cha nam bahave raisara talavara madambiya kodumbiya ibbha setthi senavai satthavahappabhitao purao ahanupuvvie sampatthiya. Tayanamtaram cha nam bahave asilatthiggaha kumtaggaha chavaggaha chamaraggaha pidhaggaha pasaggaha phalaggaha potthaggaha vinaggaha kuvaggaha hadappaggaha diviyaggaha–saehim-saehim ruvehim, evam vesehim chimdhehim nioehim saehim-saehim nevatthehim purao ahanupuvvie sampatthiya. Tayanamtaram cha nam bahave damdino mumdino sihamdino jadino pichchhino hasakaraga kheddakaraga davakaraga chadukaraga kamdappiya kokuiya mohariya gayamta ya vayamta ya nachchamta ya hasamta ya ramamta ya kilamta ya sasemta ya savemta ya javemta ya ravemta ya sobhemta ya sobhavemta ya aloyamta ya jayajayasaddam cha paumjamana purao ahanupuvvie sampatthiya. Tayanamtaram cha nam jachchanam taramallihayananam harimelamaulamalliachchhinam chamchuchchiya laliya puliya chala chavala chamchalagainam lamghana vannaga dhavana dhorana tivai jaina sikkhiyagainam lalamta lama galalaya varabhusananam muhabhamdaga ochulaga thasaga ahilana chamarigamdaparimamdiyakadinam kimkaravara-tarunapariggahiyanam atthasayam varaturaganam purao ahanupuvvie sampatthiyam. Tayanamtaram cha nam isidamtanam isimattanam isitumganam isiuchchhamgavisala dhavaladamtanam kamchanakosi pavitthadamtanam kamchanamanirayanabhusiyanam varapurisarohagasampauttanam atthasayam gayanam purao ahanu-puvvie sampatthiyam. Tayanamtaram cha nam sachchhattanam sajjhayanam saghamtanam sapadaganam satoranavaranam sanamdighosanam sakhimkhini-jalaparikkhittanam hemavayachittatinisakanaganijuttadaruganam kalayasasukayanemijamta-kammanam susilitthavattamamdaladhuranam ainnavaraturagasusampauttanam kusalanarachchheyasarahisusampaggahiyanam battisatonaparimamdiyanam sakkamkadavademsaganam sachavasarapaharanavaranabhariyajuddhasajjanam atthasayam rahanam purao ahanupuvvie sampatthiyam. Tayanamtaram cha nam asi satti kumta tomara sula laula bhimdimala dhanupanisajjam payattaniyam purao ahanupuvvie sampatthiyam. Tae nam tassa bharahassa ranno purao mahaasa asadhara, ubhao pasim naga nagadhara, pitthao raha rahasamgelli ahanupuvvie sampatthiya. Tae nam se bharahahive narimde harotthayasukayaraiyavachchhe kumdalaujjoiyanane maudadittasirae narasihe naravai narimde naravasabhe maruyarayavasabhakappe abbhahiyarayateyalachchhie dippamane pasattha-mamgalasaehim samthuvvamane jayasaddakayaloe hatthikhamdhavaragae sakoramtamalladamenam chhattena dharijja-manenam seyavarachamarahim uddhuvvamanihim-uddhuvvamanihim jakkhasahassasamparivude vesamane cheva dhanavai amaravaisannibhae iddhie pahiyakitti chakkarayanadesiyamagge anegarayavarasahassanuyayamagge mahaya-ukkitthisihanayabolakalakalaravenam pakkhubhiyamaha samuddaravabhuyam piva karemane-karemane savviddhie savvajjuie savvabalenam savvasamudaenam savvayarenam savvavibhusae savvavibhuie savvavattha-puppha-gamdha-mallalamkaravibhusae savvaturiyasaddasanninaenam mahaya iddhie java mahaya varaturiyajamagasamaga-pavaienam samkha panava padaha bheri jhallari kharamuhi murava muimga dumduhi nigghosa naiyaravenam gamagara nagara kheda kabbada madamba donamuha pattanasama sambaha sahassamamdiyam thimiyameiniyam vasuham abhijinamane-abhijinamane aggaim varaim rayanaim padichchhamane-padichchhamane tam divvam chakkarayanam anugachchhamane-anugachchhamane joyanamtariyahim vasahihim vasamane-vasamane jeneva viniya rayahani teneva uva-gachchhai, uvagachchhitta viniyae rayahanie adurasamamte duvalasajoyanayamam navajoyanavichchhinnam varanagarasarichchham vijaya khamdhavaranivesam karei, karetta vaddhairayanam saddavei, saddavetta evam vayasi– Khippameva bho devanuppiya! Mama avasam posahasalam cha karehim, karetta mameyamanattiyam pachchappinahi. Tae nam se vaddhairayane bharahenam ranna evam vutte samane hatthatuttha-chittamanamdie namdie piimane paramasomanassie harisavasavisappamanahiyae karayalapariggahiyam sirasavattam matthae amjalim kattu evam sami! Tahatti anae vinaenam vayanam padisunei, padisunetta bharahassa ranno avasaham posahasalam cha karei, karetta eyamanattiyam khippameva pachchappinati. Tae nam se bharahe raya abhisekkao hatthirayanao pachchoruhai, pachchoruhitta jeneva posahasala teneva uvagachchhai, uvagachchhitta posahasalam anupavisai, anupavisitta viniyae rayahanie atthamabhattam paginhai, paginhitta posahasalae posahie bambhayari ummukkamanisuvanne vavagayamalavannagavilevane nikkhittasatthamusale dabbhasamtharovagae ege abie atthamabhattam padijagara-mane-padijagaramane viharai. Tae nam se bharahe raya atthamabhattamsi parinamamanamsi posahasalao padinikkhamai, padi-nikkhamitta kodumbiyapurise saddavei, saddavetta evam vayasi–khippameva bho devanuppiya! Abhisekkam hatthirayanam padikappeha java taheva amjanagirikudasannibham gayavaim naravai durudhe, tam cheva savvam jaha hettha navarim nava mahanihio chattari senao na pavisamti, seso so cheva gamo java nigghosanaiyaravenam viniyae rayahanie majjhammajjhenam jeneva sae gihe jeneva bhavanavaravademsagapadiduvare teneva paharettha gamanae. Tae nam tassa bharahassa ranno viniyam rayahanim majjhammajjhenam anupavisamanassa appegaiya deva viniyam rayahanim sabbhamtarabahiriyam asiyasammajjiovalittam karemti, appegaiya mamchaimamchakaliyam karemti, appagaiya nanaviharagavasanussiyadhayapadagaipadagamamditam karemti, appegaiya laulloiya mahiyam karemti, appegaiya gosisasarasarattadaddaradinnapamchamgulitalam java gamdhavattibhuyam karemti, appegaiya hirannavasam vasamti, appegaiya suvanna rayana vaira abharanavasam vasamti. Tae nam tassa bharahassa ranno viniyam rayahanim majjhammajjhenam anupavisamanassa simghadaga tiga chaukka chachchara chaummuha mahapahapahesu bahave atthatthiya kamatthiya bhogatthiya labhatthiya iddhisiya kibbisiya karodiya karabhariya samkhiya chakkiyanam muhamamgaliya pusamanaya vaddhamanaya lamkhamamkhamaiya tahim oralahim itthahim kamtahim piyahim manunnahim manamahim sivahim dhannahim mamgallahim sassiriyahim hiyayagamanijjahim hiyayapalhayanijjahim vagguhim anavarayam abhinamdamta ya abhithunamta ya evam vayasi–jaya-jaya namda! Jaya-jaya bhadda! Jaya-jaya namda! Bhaddam te, ajiyam jinahi, jiyam palayahi, jiyamajjhe vasahi, imdo viva devanam, chamdo viva taranam, chamaro viva asuranam, dharano viva naganam, bahuim puvvasayasahassaim bahuio puvvakodio bahuio puvva-kodakodio viniyae rayahanie chullahimavamtagirisagarameragassa ya kevalakappassa bharahassa vasassa gamagara nagara kheda kabbada madamba donamuha pattanasama sannivesesu sammam payapalano-vajjiyaladdhajase mahaya hayanatta giya vaiya tamti tala tala tudiya ghana muimga paduppavaiyaravenam viulaim bhogabhogaim bhumjamane ahovachcham porevachcham samittam bhattittam mahattaragattam ana-isara-senavachcham karemane palemane viharahittikattu jayajayasaddam paumjamti. Tae nam se bharahe raya nayanamalasahassehim pechchhijjamane-pechchhijjamane vayanamalasahassehim abhithuvvamane-abhithuvvamane hiyayamalasahassehim unnamdijjamane-unnamdijjamane manoharamala-sahassehim vichchhippamane-vichchhippamane kamtiruvasohaggagunehim patthijjamane-patthijjamane amguli -malasahassehim daijjamane-daijjamane dahinahatthenam bahunam naranarisahassanam amjalimala sahassaim padichchhamane-padichchhamane bhavanapamtisahassaim samaichchhamane-samaichchhamane tamti tala tala tudiya giya vaiya-ravenam madhurenam manaharenam mamjumamjuna ghosenam apadivujjhamane-apadivujjhamane jeneva sae gihe jeneva sae bhavanavaravademsayaduvare teneva uvagachchhai,.. ..Bhavanavaravademsayaduvare abhisekkam hatthirayanam thavei, thavetta abhisekkao hatthi-rayanao pachchoruhai, pachchoruhitta solasa devasahasse sakkarei sammanei, sakkaretta sammanetta battisam rayasahasse sakkarei sammanei, sakkaretta sammanetta senavairayanam sakkarei sammanei, sakkaretta sammanetta evam gahavairayanam vaddhairayanam purohiyarayanam sakkarei sammanei, sakkaretta sammanetta tinni satthe suyasae sakkarei sammanei, sakkaretta sammanetta attharasa seni-ppasenio sakkarei sammanei, sakkaretta sammanetta anne vi bahave raisara talavara madambiya kodumbiya ibbha setthi senavai satthavahappabhitao sakkarei sammanei, sakkaretta sammanetta padivisajjei,.. .. Itthirayanenam, battisae udukallaniyasahassehim, battisae janavayakallaniya-sahassehim, battisae battisaibaddhehim nadayasahassehim saddhim samparivude bhavanavaravademsagam aii jaha kubero vva devaraya kelasasiharisimgabhutam. Tae nam se bharahe raya mitta nai niyaga sayana sambamdhi pariyanam pachchuvekkhai, pachchuvekkhitta jeneva majjanaghare teneva uvagachchhai, uvagachchhitta java majjanagharao padinikkhamai, padi-nikkhamitta jeneva bhoyanamamdave teneva uvagachchhai, uvagachchhitta bhoyanamamdavamsi suhasanavaragae atthamabhattam parei, paretta uppim pasayavaragae phuttamanehim muimgamatthaehim battisaibaddhehim nadaehim varatarunisampauttehim uvalalijjamane-uvalalijjamane uvanachchijjamane-uvanachijjamane uvagijjamane-uvagijjamane mahaya hayanatta giya vaiya tamti tala tudiya ghana muimgapaduppavaiyaravenam itthe saddapharisarasaruvagamdhe pamchavihe manussae kamabhoge bhumjamane viharai.
Sutra Meaning Transliteration : Raja bharata ne isa prakara rajya arjita kiya –\. Shatruom ko jita. Usake yaham samagra ratna udbhuta hue. Nau nidhiyam prapta huim. Khajana samriddha tha –\. Battisa hajara rajaom se anugata tha. Satha hajara varshom mem samasta bharatakshetra ko sadha liya. Tadanantara raja bharata ne apane kautumbika purushom ko bulakara kaha – ‘devanupriyom ! Shighra hi abhishekya hastiratna ko taiyara karo, chaturamgini sena sajao. Raja snana adi krityom se nivritta hokara amjanagiri ke shikhara ke samana unnata gajaraja para arurha hua. Svastika, shrivatsa adi ye atha mamgala raja ke age chale – unake bada jala se paripurna kalasha, bhrimgara, divya chhatra, pataka, chamvara tatha darshana rachita – raja ko dikhai dene vali, aloka – darshaniya – hava se phaharati, uchchhita, vijayadhvaja liye rajapurusha chale. Tadanantara vaidurya – ki prabha se dedipyamana ujjvala damdayukta, latakati hui koramta pushpom ki malaom se sushobhita, chandramamdala ke sadrisha abhamaya, samuchchhita – atapatra, simhasana, shreshtha mani – ratnom se vibhushita – padukaom ki jori rakhi thi, vaha padapitha – chauki, jo kinkarom, bhrityom tatha padatiyom – kramashah age ravana kiye gaye. Tatpashchat chakraratna, chhatraratna, charmaratna, dandaratna, asiratna, maniratna, kakaniratna – ye sata ekendriya ratna yathakrama chale. Unake pichhe kramashah nau nidhiyam chalim. Unake bada 16000 deva chale. Unake pichhe 32000 raja chale. Una ke pichhe senapatiratna, gathapatiratna, vardhakiratna tatha purohitaratna ne prasthana kiya. Tatpashchat striratna – subhadra, 32000 ritukalyanikaem tatha 32000 janapadakalyanikaem – yathakrama chalim. Unake pichhe battisa – battisa abhinetavya prakarom se paribaddha – 32000 nataka chale. Tadanantara 360 supakara, atharaha shreni – prashreni jana – chale. Unake pichhe kramashah 84 lakha ghore, 84 lakha hathi, 96 karora manushya – chale. Tatpashchat aneka raja, ishvara, talavara, sarthavaha adi chale. Tatpashchat asigraha, lashtigraha, kuntagraha, chapagraha, chamaragraha, pashagraha, phalakagraha, parashugraha, pustakagraha, vinagraha, kupyagraha, harapphagraha tatha dipikagraha – yathakrama chale. Usa ke bada bahuta se dandi, mundi, shikhandi, jati, pichchhi, hasa – karaka, vidushaka, kheddakaraka, dravakaraka, chatukaraka, kandarpika, kautkuchika tatha maukharika – yathakrama chalate gaye. Yaha prasamga vistara se aupapatikasutra ke anusara samgrahya hai. Raja bharata ke age – age bare – bare kaddavara ghore, ghurasavara donom ora hathi, hathiyom para savara purusha chalate the. Usa ke pichhe ratha – samudaya yathavat rupa se chalata tha Taba narendra bharatakshetra ka adhipati raja bharata, jisaka vakshahsthala harom se vyapta, sushobhita evam pritikara tha, amarapati – tulya jisaki samriddhi suprashasta thi, jisase usaki kirti vishruta thi, samudra ke garjana ki jyom simhanada karata hua, saba prakara ki riddhi tatha dyuti se samanvita, bheri, jhalara, mridamga adi anya vadyom ki dhvani ke satha sahasrom grama, akara, nagara, kheta, karvata, madamba se yukta medini ko jitata hua uttama, shreshtha ratna bhemta ke rupa mem prapta karata hua, divya chakraratna ka anusarana karata hua, eka – eka yojana ke antara para parava dalata hua, rukata hua, jaham vinita rajadhani thi, vaham aya. Rajadhani se thori hi duri para baraha yojana lamba, nau yojana chaura sainya shibira sthapita kiya. Apane uttama shilpakara ko bulaya. Vinita rajadhani ko uddishta kara – raja ne tela kiya, dabha ke bichhaune para avasthita raja bharata tele mem pratijagarita – raha. Tela purna ho jane para raja bharata paushadhashala se bahara nikala. Kautumbika purushom ko bulaya, abhishekya hastiratna ko taiyara karane, snana karane adi ka varnana purvavat hai. Age ka varnana vinita rajadhani se vijaya hetu abhiyana ke samana hai. Kevala itana antara hai ki vinita rajadhani mem pravesha karane ke avasara para nau mahanidhiyom ne tatha chara senaom ne rajadhani mem pravesha nahim kiya. Raja bharata ne tumula vadya – dhvani ke satha vinita rajadhani ke bichom – bicha chalate hue jaham apana paitrika ghara tha, jagadvarti nivasagrihom mem sarvotkrishta prasada ka bahari dvara tha, udhara chala. Jaba raja bharata nikala raha tha, usa samaya katipaya jana vinita rajadhani ke bahara – bhitara pani ka chhirakava kara rahe the, gobara adi ka lepa kara rahe the, mamchatimamcha – ki rachana kara rahe the, taraha – taraha ke ramgom ke vastrom se bani, umchi, simha, chakra adi ke chihnom se yukta dhvajaom evam patakaom ne nagari ke sthanom ko saja rahe the. Aneka divarom lipa rahe the, aneka dhupamahaka se nagari utkrishta surabhimaya bana rahe the, katipaya devata usa samaya chamdi ki, svarna, ratna, hirom va abhushanom ki varsha kara rahe the Jaba raja bharata vinita rajadhani ke bicha se kila raha tha to nagari ke simghataka, tikone sthanom, mahapathom para bahuta se abhyarthi, kamarthi, bhogarthi, labharthi, riddhi ke abhilashi, kilbishika, kapalika, karabadhita, shamkhika, chakrika, lamgalika, mukhamamgalika, bhata, charana, vardhamanaka, lamkha, mamkha, udara, ishta, kanta, priya, manojnya, manama, shiva, dhanya, mamgala, sashrika, hridayagamaniya, hridaya – prahladaniya, vani se evam mamgalika shabdom se raja ka anavarata – abhinandana karate hue, abhistavana karate hue – jana – jana ko ananda denevale rajan ! Apaki jaya ho, vijaya ho. Jana – jana ke lie kalyanasvarupa rajan ! Apa sada jayashila hom. Apaka kalyana ho. Jinhem nahim jita hai, una para apa vijaya prapta karem. Jinako jita liya hai, unaka palana karem, unake bicha nivasa karem. Devom mem indra ki taraha, tarom mem chandra ki taraha, asurom mem chamarendra ki taraha tatha nagom mem dharanendra ki taraha lakhom purva, karorom purva, korakori purva paryanta sampurna bharatakshetra ke grama, akara – yavat sannivesha – ina sabaka samyak palana kara yasha arjita karate hue, ina sabaka adhipatya, paurovritya, svamitva, bhartritva, mahattaratva, ajnyeshvaratva, sena – patitva – ina sabaka sarvadhikrita rupa mem sarvatha nirvaha karate hue nirbadha, nirantara avichchhinna rupa mem nritya, gita, vadya, vina, karatala, turya – evam ghanamridamga – adi ke nipunatapurna prayoga dvara nikalati sundara dhvaniyom se anandita hote hue, vipula – prachura – atyadhika bhoga bhogate hue sukhi rahem, yom kahakara unhomne jayaghosha kiya. Raja bharata ka sahasrom nara – nari apane netrom se bara – bara darshana kara rahe the. Vachanom dvara gunasamkirtana kara rahe the. Hridaya se abhinandana kara rahe the. Apane shubha manoratha – ityadi utsukatapurna manahkamanaem liye hue the. Sahasrom nara – nari – ye svami hamem sada prapta rahem, bara – bara aisi abhilasha karate the. Nara – nariyom dvara apane hajarom hathom se upasthapita amjalimala – ko apana dahina hatha umcha uthakara bara – bara svikara karata hua, gharom ki hajarom pamktiyom ko lamghata hua, vadyom ki madhura, manohara, sundara dhvani mem tanmaya hota hua, usaka ananda leta hua, jaham apana sarvottama prasada ka dvara tha, vaham aya. Abhishekya hastiratna ko thaharaya, niche utarakara 16000 devom ka, 32000 rajaom ka, senapatiratna, gathapatiratna, vardhakiratna tatha purohitaratna ka, tina sau satha pachakom ka, atharaha shreni – prashreni – janom ka, mandalika rajaom, aishvaryashali, prabhavashali purushom tatha sarthavahom adi ka satkara – sammana kiya. Unhem satkrita – sammanita kara subhadra namaka striratna, 32000 ritu – kalyanikaom tatha 32000 janapada – kalyanikaom, battisa – battisa abhinetavya vidhikramom se paribaddha battisa hajara natakom se – samparivritta raja bharata kubera ki jyom kailasa parvata ke shikhara ke tulya apane uttama prasada mem gaya. Raja ne apane mitrom, nijaka, svajana tatha sambandhiyom se kushala – samachara puchhe. Snana adi sampanna kara snanaghara se bahara nikala, bhojanamandapa mem akara sukhasana para baitha, tele ka parana kiya. Apane mahala mem gaya. Vaham mridamga baja rahe the. Battisa – battisa abhinetavya vidhikrama se nataka chala rahe the, nritya ho rahe the. Yom natakakara, nrityakara, samgitakara raja ka manoramjana kara rahe the. Raja ka kirti – stavana kara rahe the. Raja unaka ananda leta hua samsarika sukha ka bhoga karane laga.