Sutra Navigation: Pragnapana ( प्रज्ञापना उपांग सूत्र )

Search Details

Mool File Details

Anuvad File Details

Sr No : 1006839
Scripture Name( English ): Pragnapana Translated Scripture Name : प्रज्ञापना उपांग सूत्र
Mool Language : Ardha-Magadhi Translated Language : Hindi
Chapter :

पद-२३ कर्मप्रकृति

 Translated Chapter :

पद-२३ कर्मप्रकृति
Section : उद्देशक-१ Translated Section : उद्देशक-१
Sutra Number : 539 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] नाणावरणिज्जस्स णं भंते! कम्मस्स जीवेणं बद्धस्स पुट्ठस्स बद्ध-फास-पुट्ठस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कडस्स जीवेणं निव्वत्तियस्स जीवेणं परिणामियस्स सयं वा उदिण्णस्स परेण वा उदीरियस्स तदुभएण वा उदीरिज्जमाणस्स गतिं पप्प ठितिं पप्प भवं पप्प पोग्गलं पप्प पोग्गलपरिणामं पप्प कतिविहे अनुभावे पन्नत्ते? गोयमा! नाणावरणिज्जस्स णं कम्मस्स जीवेणं बद्धस्स जाव पोग्गलपरिणामं पप्प दसविहे अनुभावे पन्नत्ते, तं जहा–सोयावरणे सोयाविण्णाणावरणे णेत्तावरणे णेत्तविण्णाणावरणे घाणावरणे घाणविण्णाणावरणे रसावरणे रसविण्णाणावरणे फासावरणे फासविण्णाणावरणे। जं वेदेति पोग्गलं वा पोग्गले वा पोग्गलपरिणामं वा वीससा वा पोग्गलाणं परिणामं, तेसिं वा उदएणं जाणियव्वं न जाणइ, जाणिउकामे वि न याणति, जाणित्ता वि न याणति, उच्छण्णनाणी यावि भवति नाणावरणिज्जस्स कम्मस्स उदएणं। एस णं गोयमा! नाणावरणिज्जे कम्मे। एस णं गोयमा! नाणावरणिज्जस्स कम्मस्स जीवेणं बद्धस्स जाव पोग्गलपरिणामं पप्प दसविहे अनुभावे पन्नत्ते। दरिसणावरणिज्जस्स णं भंते! कम्मस्स जीवेणं बद्धस्स पुट्ठस्स बद्ध-फास-पुट्ठस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कडस्स जीवेणं निव्वत्तियस्स जीवेणं परिणामियस्स सयं व उदिणस्स परेणं वा उदीरियस्स तदुभएण वा उदीरिज्जमाणस्स गतिं पप्प ठितिं पप्प भवं पप्प पोग्गलं पप्प पोग्गलपरिणामं पप्प कतिविहे अनुभावे पन्नत्ते? गोयमा! दरिसणावरणिज्जस्स णं कम्मस्स जीवेणं बद्धस्स जाव पोग्गलपरिणामं पप्प नवविहे अनुभावे पन्नत्ते, तं जहा–निद्दा निद्दानिद्दा पयला पयलापयला थीणद्धी चक्खु-दंसणावरणे अचक्खुदंसणावरणे ओहिदंसणावरणे केवलदंसणावरणे। जं वेदेति पोग्गलं वा पोग्गले वा पोग्गलपरिणामं वा वीससा वा पोग्गलाणं परिणामं, तेसिं वा उदएणं पासियव्वं न पासति, पासिउकामे वि न पासति, पासित्ता वि न पासति, उच्छन्नदंसणी यावि भवति दरिसणावरणिज्जस्स कम्मस्स उदएणं। एस णं गोयमा! दरिसणावरणिज्जे कम्मे। एस णं गोयमा! दरिसणावरणिज्जस्स कम्मस्स जीवेणं बद्धस्स जाव पोग्गलपरिणामं पप्प नवविहे अनुभावे पन्नत्ते। सातावेदणिज्जस्स णं भंते! कम्मस्स जीवेणं बद्धस्स पुट्ठस्स बद्ध-फास-पुट्ठस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कडस्स जीवेणं निव्वत्तियस्स जीवेणं परिणामियस्स सयं वा उदिण्णस्स परेण वा उदीरियस्स तदुभएण वा उदीरिज्जमाणस्स गतिं पप्प ठितिं पप्प भवं पप्प पोग्गलं पप्प पोग्गलपरिणामं पप्प कतिविहे अनुभावे पन्नत्ते? गोयमा! सायावेदणिज्जस्स णं कम्मस्स जीवेणं बद्धस्स जाव पोग्गलपरिणामं पप्प अट्ठविहे अनुभावे पन्नत्ते, तं जहा–मणुण्णा सद्दा मणुण्णा रूवा मणुण्णा गंधा मणुण्णा रसा मणुण्णा फासा मनोसुहता वइसुहता कायसुहता। जं वेएइ पोग्गलं वा पोग्गले वा पोग्गलपरिणामं वा वीससा वा पोग्गलाणं परिणामं, तेसिं वा उदएणं सातावेदणिज्जं कम्मं वेदेति। एस णं गोयमा! सातावेदणिज्जे कम्मे। एस णं गोयमा! सातावेयणिज्जस्स कम्मस्स जीवेणं बद्धस्स जाव पोग्गलपरिणामं पप्प अट्ठविहे अनुभावे पन्नत्ते। अस्सातावेयणिज्जस्स णं भंते! कम्मस्स जीवेणं बद्धस्स पुट्ठस्स बद्ध-फास-पुट्ठस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कडस्स जीवेणं निव्वत्तियस्स जीवेणं परिणामियस्स सयं वा उदिण्णस्स परेण वा उदीरियस्स तदुभएण वा उदीरिज्जमाणस्स गतिं पप्प ठितिं पप्प भवं पप्प पोग्गलं पप्प पोग्गलपरिणामं पप्प कतिविहे अनुभावे पन्नत्ते? गोयमा! अस्सातावेदणिज्जस्स णं कम्मस्स जीवेणं बद्धस्स जाव पोग्गलपरिणामं पप्प अट्ठविहे अनुभावे पन्नत्ते तं जहा–अमणुण्णा सद्दा अमणुण्णा रूवा अमणुण्णा गंधा अमणुण्णा रसा अमणुण्णा फासा मनोदुहता वइदुहता कायदुहता। जं वेएइ पोग्गलं वा पोग्गले वा पोग्गलपरिणामं वा वीससा वा पोग्गलाणं परिणामं, तेसिं वा उदएणं असायावेयणिज्जं कम्मं वेदेति। एस णं गोयमा! असायावेदणिज्जे कम्मे। एस णं गोयमा! असायावेयणिज्जस्स कम्मस्स जीवेणं बद्धस्स जाव पोग्गलपरिणामं पप्प अट्ठविहे अनुभावे पन्नत्ते। मोहणिज्जस्स णं भंते! कम्मस्स जीवेणं बद्धस्स पुट्ठस्स बद्ध-फास-पुट्ठस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कडस्स जीवेणं निव्वत्ति-यस्स जीवेणं परिणामियस्स सयं वा उदिण्णस्स परेण वा उदीरियस्स तदुभएण वा उदीरिज्जमाणस्स गतिं पप्प ठितिं पप्प भवं पप्प पोग्गलं पप्प पोग्गलपरिणामं पप्प कतिविहे अनुभावे पन्नत्ते? गोयमा! मोहणिज्जस्स णं कम्मस्स जीवेणं बद्धस्स जाव पोग्गलपरिणामं पप्प पंचविहे अनुभावे पन्नत्ते, तं जहा–सम्मत्तवेयणिज्जे मिच्छत्तवेयणिज्जे सम्मामिच्छत्तवेयणिज्जे कसायवेयणिज्जे नोकसाय-वेयणिज्जे। जं वेदेति पोग्गलं वा पोग्गले वा पोग्गलपरिणामं वा वीससा वा पोग्गलाणं परिणामं, तेसिं वा उदएणं मोहणिज्जं कम्मं वेदेति एस णं गोयमा! मोहणिज्जे कम्मे। एस णं गोयमा! मोहणिज्जस्स कम्मस्स जीवेणं बद्धस्स जाव पोग्गलपरिणामं पप्प पंचविहे अनुभावे पन्नत्ते। आउयस्स णं भंते! कम्मस्स जीवेणं बद्धस्स पुट्ठस्स बद्ध-फास-पुट्ठस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कडस्स जीवेणं निव्वत्तियस्स जीवेणं परिणामियस्स सयं वा उदिण्णस्स परेण वा उदीरियस्स तदुभएण वा उदीरिज्जमाणस्स गतिं पप्प ठितिं पप्प भवं पप्प पोग्गलं पप्प पोग्गलपरिणामं पप्प कतिविहे अनुभावे पन्नत्ते? गोयमा! आउयस्स णं कम्मस्स जीवेणं बद्धस्स जाव पोग्गलपरिणामं पप्प चउविहे अनुभावे पन्नत्ते, तं जहा–नेरइयाउए तिरियाउए मनुयाउए देवाउए। जं वेइए पोग्गलं वा पोग्गले वा पोग्गलपरिणामं वा वीससा वा पोग्गलाणं परिणामं, तेसिं वा उदएणं आउयं कम्मं वेदेति। एस णं गोयमा! आउए कम्मे। एस णं गोयमा! आउयस्स कम्मस्स जीवेणं बद्धस्स जाव पोग्गलपरिणामं पप्प चउव्विहे अनुभावे पन्नत्ते। सुभनामस्स णं भंते! कम्मस्स जीवेणं बद्धस्स पुट्ठस्स बद्ध-फास-पुट्ठस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कडस्स जीवेणं निव्वत्ति-यस्स जीवेणं परिणामियस्स सयं वा उदिण्णस्स परेण वा उदीरियस्स तदुभएण वा उदीरिज्जमाणस्स गतिं पप्प ठितिं पप्प भवं पप्प पोग्गलं पप्प पोग्गलपरिणामं पप्प कतिविहे अनुभावे पन्नत्ते? गोयमा! सुभनामस्स णं कम्मस्स जीवेणं बद्धस्स जाव पोग्गलपरिणामं पप्प चोद्दसविहे अनुभावे पन्नत्ते, तं जहा–इट्ठा सद्दा इट्ठा रूवा इट्ठा गंधा इट्ठा रसा इट्ठा फासा इट्ठा गती इट्ठा ठिती इट्ठे लावण्णे इट्ठा जसोकित्ती इट्ठे उट्ठाण-कम्म-बल-वीरिय पुरि-सक्कार-परक्कमे इट्ठस्सरता कंतस्सरता पियस्सरता मणुन्नस्सरता। जं वेइए पोग्गलं वा पोग्गले वा पोग्गलपरिणामं वा वीससा वा पोग्गलाणं परिणामं, तेसिं वा उदएणं सुभणामं कम्मं वेदेति। एस णं गोयमा! सुभणामे कम्मे। एस णं गोयमा! सुभनामस्स कम्मस्स जीवेणं बद्धस्स जाव पोग्गलपरिणामं पप्प चोद्दसविहे अनुभावे पन्नत्ते। दुहनामस्स णं भंते! कम्मस्स जीवेणं बद्धस्स पुट्ठस्स बद्ध-फास-पुट्ठस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कडस्स जीवेणं निव्वत्ति-यस्स जीवेणं परिणामियस्स सयं वा उदिण्णस्स परेण वा उदीरियस्स तदुभएण वा उदीरिज्जमाणस्स गतिं पप्प ठितिं पप्प भवं पप्प पोग्गलं पप्प पोग्गलपरिणामं पप्प कतिविहे अनुभावे पन्नत्ते? गोयमा! दुहनामस्स णं कम्मस्स जीवेणं बद्धस्स जाव पोग्गलपरिणामं पप्प चोद्दसविहे अनुभावे पन्नत्ते, तं जहा–अनिट्ठा सद्दा अनिट्ठा रूवा अनिट्ठा गंधा अनिट्ठा रसा अनिट्ठा फासा अनिट्ठा गती अनिट्ठा ठिती अणिट्ठे लावण्णे अनिट्ठा जसोकित्ती अनिट्ठे उट्ठाण-कम्म-बल-वीरिय-पुरिसक्कार-परक्कमे हीनस्सरता दीनस्सरता अनिट्ठस्सरता अकंतस्सरता। जं वेएइ पोग्गलं वा पोग्गले वा पोग्गलपरिणामं वा वीससा वा पोग्गलाणं परिणामं, तेसिं वा उदएणं दुहनामं कम्मं वेदेति। एस णं गोयमा! दुहणामे कम्मे। एस णं गोयमा! दुहनामस्स कम्मस्स जीवेणं बद्धस्स जाव पोग्गलपरिणामं पप्प चोद्दसविहे अनुभावे पन्नत्ते। उच्चागोयस्स णं भंते! कम्मस्स जीवेणं बद्धस्स पुट्ठस्स बद्ध-फास-पुट्ठस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कडस्स जीवेणं निव्वत्ति-यस्स जीवेणं परिणामियस्स सयं वा उदिण्णस्स परेण वा उदीरियस्स तदुभएण वा उदीरिज्जमाणस्स गतिं पप्प ठितिं पप्प भवं पप्प पोग्गलं पप्प पोग्गलपरिणामं पप्प कतिविहे अनुभावे पन्नत्ते? गोयमा! उच्चागोयस्स णं कम्मस्स जीवेणं बद्धस्स जाव पोग्गलपरिणामं पप्प अट्ठविहे अनुभावे पन्नत्ते, तं जहा– जातिविसिट्ठया कुलविसिट्ठया बलविसिट्ठया रूवविसिट्ठया तवविसिट्ठया सुयविसिट्ठया लाभविसिट्ठया इस्सरियविसिट्ठया। जं वेदेति पोग्गलं वा पोग्गले वा पोग्गलपरिणामं वा वीससा वा पोग्गलाणं परिणामं, तेसिं वा उदएणं उच्चागोयं कम्मं वेदेति एस णं गोयमा! उच्चागोए कम्मे। एस णं गोयमा! उच्चागोयस्स कम्मस्स जीवेणं बद्धस्स जाव पोग्गलपरिणामं पप्प अट्ठविहे अनुभावे पन्नत्ते। नीयागोयस्स णं भंते! कम्मस्स जीवेणं बद्धस्स पुट्ठस्स बद्ध-फास-पुट्ठस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कडस्स जीवेणं निव्वत्ति-यस्स जीवेणं परिणामियस्स सयं वा उदिण्णस्स परेण वा उदीरियस्स तदुभएण वा उदीरिज्जमाणस्स गतिं पप्प ठितिं पप्प भवं पप्प पोग्गलं पप्प पोग्गलपरिणामं पप्प कतिविहे अनुभावे पन्नत्ते? गोयमा! नीयागोयस्स णं कम्मस्स जीवेणं बद्धस्स जाव पोग्गलपरिणामं पप्प अट्ठविहे अनुभावे पन्नत्ते, तं जहा–जाति विहीनया कुलविहीनया बलविहीनया रूवविहीनया तवविहीनया सुयविहीनया लाभ-विहीनया इस्सरियविहीनया। जं वेदेति पोग्गलं वा पोग्गले वा पोग्गलपरिणामं वा वीससा वा पोग्गलाणं परिणामं तेसिं वा उदएणंनी कम्मं वेदेति। एस णं गोयमा! णीयागोए कम्मे। एस णं गोयमा! नीयागोयस्स कम्मस्स जीवेणं बद्धस्स जाव पोग्गलपरिणामं पप्प अट्ठविहे अनुभावे पन्नत्ते। अंतराइयस्स णं भंते! कम्मस्स जीवेणं बद्धस्स पुट्ठस्स बद्ध-फास-पुट्ठस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कडस्स जीवेणं निव्वत्ति-यस्स जीवेणं परिणामियस्स सयं वा उदिण्णस्स परेण वा उदीरियस्स तदुभएण वा उदीरिज्जमाणस्स गतिं पप्प ठितिं पप्प भवं पप्प पोग्गलं पप्प पोग्गलपरिणामं पप्प कतिविहे अनुभावे पन्नत्ते? गोयमा! अंतराइयस्स णं कम्मस्स जीवेणं बद्धस्स जाव पोग्गलपरिणामं पप्प पंचविहे अनुभावे पन्नत्ते, तं जहा–दानंतराए लाभंतराए भोगंतराए उवभोगंतराए वीरियंतराए। जं वेदेति पोग्गलं वा पोग्गले वा पोग्गलपरिणामं वा वीससा वा पोग्गलाणं परिणामं, तेसिं वा उदएणं अंतराइयं कम्मं वेदेति एस णं गोयमा! अंतराइए कम्मे। एस णं गोयमा! अंतराइयस्स कम्मस्स जीवेणं बद्धस्स जाव पोग्गलपरिणामं पप्प पंचविहे अनुभावे पन्नत्ते।
Sutra Meaning : भगवन्‌ ! जीव के द्वारा बद्ध, स्पृष्ट, बद्ध और स्पृष्ट किये हुए, सचित्त, चित्त और अपचित्त किये हुए, किञ्चित्‌विपाक को प्राप्त, विपाक को प्राप्त, फल को प्राप्त तथा उदयप्राप्त, जीव के द्वारा कृत, निष्पादित और परिणामित, स्वयं के द्वारा दूसरे के द्वारा या दोनों के द्वारा उदीरणा – प्राप्त, ज्ञानावरणीयकर्म का, गति को, स्थिति को, भव को, पुद्‌गल को तथा पुद्‌गल परिणाम को प्राप्त करके कितने प्रकार का अनुभव कहा है ? गौतम ! दस प्रकार का – श्रोत्रावरण, श्रोत्रविज्ञानावरण, नेत्रावरण, नेत्रविज्ञानावरण, घ्राणावरण, घ्राणविज्ञानावरण, रसावरण, रसविज्ञानावरण, स्पर्शावरण और स्पर्शविज्ञानावरण। ज्ञानावरणीयकर्म के उदय से जो पुद्‌गल, पुद्‌गलों या पुद्‌गल – परिणाम को अथवा स्वभाव से पुद्‌गलों के परिणाम को वेदता है, उनके उदय से जानने योग्य को, जानने का इच्छुक होकर भी और जानकर भी नहीं जानता अथवा तिरोहित ज्ञानवाला होता है। गौतम ! यह है ज्ञानावरणीय – कर्म। और यह है दस प्रकार का अनुभाव। भगवन्‌ ! जीव के द्वारा बद्ध यावत्‌ पुद्‌गल – परिणाम को प्राप्त करके दर्शनावरणीयकर्म का कितने प्रकार का अनुभाव है ? गौतम ! नौ प्रकार का, निद्रा, निद्रा – निद्रा, प्रचला, प्रचला – प्रचला तथा स्त्यानर्द्धि एवं चक्षुदर्शना – वरण, अचक्षुदर्शनावरण, अवधिदर्शनावरण और केवलदर्शनावरण। दर्शनावरण के उदय से जो पुद्‌गल, पुद्‌गलों अथवा पुद्‌गल – परिणाम को या स्वभाव से पुद्‌गलों के परिणाम को वेदता है, अथवा उनके उदय से देखने योग्य को, देखना चाहते हुए भी और देखकर भी नहीं देखता अथवा तिरोहित दर्शनवाला भी हो जाता है। गौतम ! यह है दर्शनावरणीयकर्म। जीव के द्वारा बद्ध यावत्‌ पुद्‌गल – परिणाम को पाकर सातावेदनीयकर्म का कितने प्रकार का अनुभाव है ? गौतम ! आठ प्रकार का – मनोज्ञशब्द, मनोज्ञरूप, मनोज्ञगन्ध, मनोज्ञरस, मनोज्ञस्पर्श, मन का सौख्य, वचन का सौख्य और काया का सौख्य। जिस पुद्‌गल का यावत्‌ स्वभाव से पुद्‌गलों के परिणाम का वेदन किया जाता है, अथवा उनके उदय से सातावेदनीयकर्म को वेदा जाता है। गौतम ! यह है सातावेदनीयकर्म। जीव के द्वारा बद्ध यावत्‌ असातावेदनीयकर्म का कितने प्रकार का अनुभाव है ? पूर्ववत्‌ जानना किन्तु ‘मनोज्ञ’ के बदले सर्वत्र ‘अमनोज्ञ’ यावत्‌ काया का दुःख जानना। जीव के द्वारा बद्ध…यावत्‌ मोहनीयकर्म का कितने प्रकार का अनुभाव है ? गौतम ! पाँच प्रकार का – सम्यक्त्व – वेदनीय, मिथ्यात्व – वेदनीय, सम्यग्‌ – मिथ्यात्व – वेदनीय, कषाय – वेदनीय और नो – कषाय – वेदनीय। जिस पुद्‌गल का यावत्‌ स्वभाव से पुद्‌गलों के परिणाम का अथवा उनके उदय से मोहनीयकर्म वेदा जाता है। जीव के द्वारा बद्ध…यावत्‌ आयुष्यकर्म का कितने प्रकार का अनुभाव है ? गौतम ! चार प्रकार का – नारकायु, तिर्यंचायु, मनुष्यायु और देवायु। जिस पुद्‌गल का यावत्‌ पुद्‌गलों के परिणाम का या उनके उदय से आयुष्यकर्म वेदा जाता है, गौतम ! यह है – आयुष्यकर्म। जीव के द्वारा बद्ध यावत्‌ शुभ नामकर्म का कितने प्रकार का अनुभाव है ? गौतम ! चौदह प्रकार का – इष्ट शब्द, इष्ट रूप, इष्ट गन्ध, इष्ट रस, इष्ट स्पर्श, इष्ट गति, इष्ट स्थिति, इष्ट लावण्य, इष्ट यशोकीर्ति, इष्ट उत्थान – कर्म – बल – वीर्य – पुरुषकार – पराक्रम, इष्ट – स्वरता, कान्त – स्वरता, प्रिय – स्वरता और मनोज्ञ – स्वरता। जो पुद्‌गल यावत्‌ पुद्‌गलों के परिणाम का वेदन किया जाता है अथवा उनके उदय से शुभनामकर्म को वेदा जाता है। अशुभनामकर्म का जीव के द्वारा बद्ध यावत्‌ कितने प्रकार का अनुभाव है ? गौतम ! पूर्ववत्‌। – अनिष्ट शब्द आदि यावत्‌ हीत – स्वरता, दीन – स्वरता, अनिष्ट – स्वरता और अकान्त – स्वरता। जो पुद्‌गल आदि का वेदन किया जाता है यावत्‌ अथवा उनके उदय से दुःख (अशुभ) नामकर्म को वेदा जाता है। जीव के द्वारा बद्ध यावत्‌ उच्चगोत्रकर्म को कितने प्रकार का अनुभाव है ? गौतम ! आठ प्रकार का – जाति, कुल, बल, रूप, तप, श्रुत, लाभ और ऐश्वर्य की विशिष्टता। जो पुद्‌गल यावत्‌ पुद्‌गलों के परिणाम को वेदा जाता है अथवा उनके उदय से उच्चगोत्रकर्म को वेदा जाता है। जीव के द्वारा बद्ध यावत्‌ नीचगोत्रकर्म का कितने प्रकार का अनुभाव है ? गौतम ! पूर्ववत्‌ जाति यावत्‌ ऐश्वर्यविहीनता। पुद्‌गल का, यावत्‌ पुद्‌गलों के परिणाम जो वेदा जाता है अथवा उन्हीं के उदय से नीचगोत्रकर्म का वेदन किया जाता है। जीव के द्वारा बद्ध यावत्‌ अन्तरायकर्म का कितने प्रकार का अनुभाव है ? गौतम ! पाँच प्रकार का – दानान्तराय, लाभान्तराय, भोगान्तराय, उपभोगान्तराय और वीर्यान्तराय। पुद्‌गल का यावत्‌ पुद्‌गलों के परिणाम का जो वेदन किया जाता है अथवा उनके उदय से जो अन्तरायधर्म को वेदा जाता है।
Mool Sutra Transliteration : [sutra] nanavaranijjassa nam bhamte! Kammassa jivenam baddhassa putthassa baddha-phasa-putthassa samchiyassa chiyassa uvachiyassa avagapattassa vivagapattassa phalapattassa udayapattassa jivenam kadassa jivenam nivvattiyassa jivenam parinamiyassa sayam va udinnassa parena va udiriyassa tadubhaena va udirijjamanassa gatim pappa thitim pappa bhavam pappa poggalam pappa poggalaparinamam pappa kativihe anubhave pannatte? Goyama! Nanavaranijjassa nam kammassa jivenam baddhassa java poggalaparinamam pappa dasavihe anubhave pannatte, tam jaha–soyavarane soyavinnanavarane nettavarane nettavinnanavarane ghanavarane ghanavinnanavarane rasavarane rasavinnanavarane phasavarane phasavinnanavarane. Jam vedeti poggalam va poggale va poggalaparinamam va visasa va poggalanam parinamam, tesim va udaenam janiyavvam na janai, janiukame vi na yanati, janitta vi na yanati, uchchhannanani yavi bhavati nanavaranijjassa kammassa udaenam. Esa nam goyama! Nanavaranijje kamme. Esa nam goyama! Nanavaranijjassa kammassa jivenam baddhassa java poggalaparinamam pappa dasavihe anubhave pannatte. Darisanavaranijjassa nam bhamte! Kammassa jivenam baddhassa putthassa baddha-phasa-putthassa samchiyassa chiyassa uvachiyassa avagapattassa vivagapattassa phalapattassa udayapattassa jivenam kadassa jivenam nivvattiyassa jivenam parinamiyassa sayam va udinassa parenam va udiriyassa tadubhaena va udirijjamanassa gatim pappa thitim pappa bhavam pappa poggalam pappa poggalaparinamam pappa kativihe anubhave pannatte? Goyama! Darisanavaranijjassa nam kammassa jivenam baddhassa java poggalaparinamam pappa navavihe anubhave pannatte, tam jaha–nidda niddanidda payala payalapayala thinaddhi chakkhu-damsanavarane achakkhudamsanavarane ohidamsanavarane kevaladamsanavarane. Jam vedeti poggalam va poggale va poggalaparinamam va visasa va poggalanam parinamam, tesim va udaenam pasiyavvam na pasati, pasiukame vi na pasati, pasitta vi na pasati, uchchhannadamsani yavi bhavati darisanavaranijjassa kammassa udaenam. Esa nam goyama! Darisanavaranijje kamme. Esa nam goyama! Darisanavaranijjassa kammassa jivenam baddhassa java poggalaparinamam pappa navavihe anubhave pannatte. Satavedanijjassa nam bhamte! Kammassa jivenam baddhassa putthassa baddha-phasa-putthassa samchiyassa chiyassa uvachiyassa avagapattassa vivagapattassa phalapattassa udayapattassa jivenam kadassa jivenam nivvattiyassa jivenam parinamiyassa sayam va udinnassa parena va udiriyassa tadubhaena va udirijjamanassa gatim pappa thitim pappa bhavam pappa poggalam pappa poggalaparinamam pappa kativihe anubhave pannatte? Goyama! Sayavedanijjassa nam kammassa jivenam baddhassa java poggalaparinamam pappa atthavihe anubhave pannatte, tam jaha–manunna sadda manunna ruva manunna gamdha manunna rasa manunna phasa manosuhata vaisuhata kayasuhata. Jam veei poggalam va poggale va poggalaparinamam va visasa va poggalanam parinamam, tesim va udaenam satavedanijjam kammam vedeti. Esa nam goyama! Satavedanijje kamme. Esa nam goyama! Sataveyanijjassa kammassa jivenam baddhassa java poggalaparinamam pappa atthavihe anubhave pannatte. Assataveyanijjassa nam bhamte! Kammassa jivenam baddhassa putthassa baddha-phasa-putthassa samchiyassa chiyassa uvachiyassa avagapattassa vivagapattassa phalapattassa udayapattassa jivenam kadassa jivenam nivvattiyassa jivenam parinamiyassa sayam va udinnassa parena va udiriyassa tadubhaena va udirijjamanassa gatim pappa thitim pappa bhavam pappa poggalam pappa poggalaparinamam pappa kativihe anubhave pannatte? Goyama! Assatavedanijjassa nam kammassa jivenam baddhassa java poggalaparinamam pappa atthavihe anubhave pannatte tam jaha–amanunna sadda amanunna ruva amanunna gamdha amanunna rasa amanunna phasa manoduhata vaiduhata kayaduhata. Jam veei poggalam va poggale va poggalaparinamam va visasa va poggalanam parinamam, tesim va udaenam asayaveyanijjam kammam vedeti. Esa nam goyama! Asayavedanijje kamme. Esa nam goyama! Asayaveyanijjassa kammassa jivenam baddhassa java poggalaparinamam pappa atthavihe anubhave pannatte. Mohanijjassa nam bhamte! Kammassa jivenam baddhassa putthassa baddha-phasa-putthassa samchiyassa chiyassa uvachiyassa avagapattassa vivagapattassa phalapattassa udayapattassa jivenam kadassa jivenam nivvatti-yassa jivenam parinamiyassa sayam va udinnassa parena va udiriyassa tadubhaena va udirijjamanassa gatim pappa thitim pappa bhavam pappa poggalam pappa poggalaparinamam pappa kativihe anubhave pannatte? Goyama! Mohanijjassa nam kammassa jivenam baddhassa java poggalaparinamam pappa pamchavihe anubhave pannatte, tam jaha–sammattaveyanijje michchhattaveyanijje sammamichchhattaveyanijje kasayaveyanijje nokasaya-veyanijje. Jam vedeti poggalam va poggale va poggalaparinamam va visasa va poggalanam parinamam, tesim va udaenam mohanijjam kammam vedeti esa nam goyama! Mohanijje kamme. Esa nam goyama! Mohanijjassa kammassa jivenam baddhassa java poggalaparinamam pappa pamchavihe anubhave pannatte. Auyassa nam bhamte! Kammassa jivenam baddhassa putthassa baddha-phasa-putthassa samchiyassa chiyassa uvachiyassa avagapattassa vivagapattassa phalapattassa udayapattassa jivenam kadassa jivenam nivvattiyassa jivenam parinamiyassa sayam va udinnassa parena va udiriyassa tadubhaena va udirijjamanassa gatim pappa thitim pappa bhavam pappa poggalam pappa poggalaparinamam pappa kativihe anubhave pannatte? Goyama! Auyassa nam kammassa jivenam baddhassa java poggalaparinamam pappa chauvihe anubhave pannatte, tam jaha–neraiyaue tiriyaue manuyaue devaue. Jam veie poggalam va poggale va poggalaparinamam va visasa va poggalanam parinamam, tesim va udaenam auyam kammam vedeti. Esa nam goyama! Aue kamme. Esa nam goyama! Auyassa kammassa jivenam baddhassa java poggalaparinamam pappa chauvvihe anubhave pannatte. Subhanamassa nam bhamte! Kammassa jivenam baddhassa putthassa baddha-phasa-putthassa samchiyassa chiyassa uvachiyassa avagapattassa vivagapattassa phalapattassa udayapattassa jivenam kadassa jivenam nivvatti-yassa jivenam parinamiyassa sayam va udinnassa parena va udiriyassa tadubhaena va udirijjamanassa gatim pappa thitim pappa bhavam pappa poggalam pappa poggalaparinamam pappa kativihe anubhave pannatte? Goyama! Subhanamassa nam kammassa jivenam baddhassa java poggalaparinamam pappa choddasavihe anubhave pannatte, tam jaha–ittha sadda ittha ruva ittha gamdha ittha rasa ittha phasa ittha gati ittha thiti itthe lavanne ittha jasokitti itthe utthana-kamma-bala-viriya puri-sakkara-parakkame itthassarata kamtassarata piyassarata manunnassarata. Jam veie poggalam va poggale va poggalaparinamam va visasa va poggalanam parinamam, tesim va udaenam subhanamam kammam vedeti. Esa nam goyama! Subhaname kamme. Esa nam goyama! Subhanamassa kammassa jivenam baddhassa java poggalaparinamam pappa choddasavihe anubhave pannatte. Duhanamassa nam bhamte! Kammassa jivenam baddhassa putthassa baddha-phasa-putthassa samchiyassa chiyassa uvachiyassa avagapattassa vivagapattassa phalapattassa udayapattassa jivenam kadassa jivenam nivvatti-yassa jivenam parinamiyassa sayam va udinnassa parena va udiriyassa tadubhaena va udirijjamanassa gatim pappa thitim pappa bhavam pappa poggalam pappa poggalaparinamam pappa kativihe anubhave pannatte? Goyama! Duhanamassa nam kammassa jivenam baddhassa java poggalaparinamam pappa choddasavihe anubhave pannatte, tam jaha–anittha sadda anittha ruva anittha gamdha anittha rasa anittha phasa anittha gati anittha thiti anitthe lavanne anittha jasokitti anitthe utthana-kamma-bala-viriya-purisakkara-parakkame hinassarata dinassarata anitthassarata akamtassarata. Jam veei poggalam va poggale va poggalaparinamam va visasa va poggalanam parinamam, tesim va udaenam duhanamam kammam vedeti. Esa nam goyama! Duhaname kamme. Esa nam goyama! Duhanamassa kammassa jivenam baddhassa java poggalaparinamam pappa choddasavihe anubhave pannatte. Uchchagoyassa nam bhamte! Kammassa jivenam baddhassa putthassa baddha-phasa-putthassa samchiyassa chiyassa uvachiyassa avagapattassa vivagapattassa phalapattassa udayapattassa jivenam kadassa jivenam nivvatti-yassa jivenam parinamiyassa sayam va udinnassa parena va udiriyassa tadubhaena va udirijjamanassa gatim pappa thitim pappa bhavam pappa poggalam pappa poggalaparinamam pappa kativihe anubhave pannatte? Goyama! Uchchagoyassa nam kammassa jivenam baddhassa java poggalaparinamam pappa atthavihe anubhave pannatte, tam jaha– jativisitthaya kulavisitthaya balavisitthaya ruvavisitthaya tavavisitthaya suyavisitthaya labhavisitthaya issariyavisitthaya. Jam vedeti poggalam va poggale va poggalaparinamam va visasa va poggalanam parinamam, tesim va udaenam uchchagoyam kammam vedeti esa nam goyama! Uchchagoe kamme. Esa nam goyama! Uchchagoyassa kammassa jivenam baddhassa java poggalaparinamam pappa atthavihe anubhave pannatte. Niyagoyassa nam bhamte! Kammassa jivenam baddhassa putthassa baddha-phasa-putthassa samchiyassa chiyassa uvachiyassa avagapattassa vivagapattassa phalapattassa udayapattassa jivenam kadassa jivenam nivvatti-yassa jivenam parinamiyassa sayam va udinnassa parena va udiriyassa tadubhaena va udirijjamanassa gatim pappa thitim pappa bhavam pappa poggalam pappa poggalaparinamam pappa kativihe anubhave pannatte? Goyama! Niyagoyassa nam kammassa jivenam baddhassa java poggalaparinamam pappa atthavihe anubhave pannatte, tam jaha–jati vihinaya kulavihinaya balavihinaya ruvavihinaya tavavihinaya suyavihinaya labha-vihinaya issariyavihinaya. Jam vedeti poggalam va poggale va poggalaparinamam va visasa va poggalanam parinamam tesim va udaenamni kammam vedeti. Esa nam goyama! Niyagoe kamme. Esa nam goyama! Niyagoyassa kammassa jivenam baddhassa java poggalaparinamam pappa atthavihe anubhave pannatte. Amtaraiyassa nam bhamte! Kammassa jivenam baddhassa putthassa baddha-phasa-putthassa samchiyassa chiyassa uvachiyassa avagapattassa vivagapattassa phalapattassa udayapattassa jivenam kadassa jivenam nivvatti-yassa jivenam parinamiyassa sayam va udinnassa parena va udiriyassa tadubhaena va udirijjamanassa gatim pappa thitim pappa bhavam pappa poggalam pappa poggalaparinamam pappa kativihe anubhave pannatte? Goyama! Amtaraiyassa nam kammassa jivenam baddhassa java poggalaparinamam pappa pamchavihe anubhave pannatte, tam jaha–danamtarae labhamtarae bhogamtarae uvabhogamtarae viriyamtarae. Jam vedeti poggalam va poggale va poggalaparinamam va visasa va poggalanam parinamam, tesim va udaenam amtaraiyam kammam vedeti esa nam goyama! Amtaraie kamme. Esa nam goyama! Amtaraiyassa kammassa jivenam baddhassa java poggalaparinamam pappa pamchavihe anubhave pannatte.
Sutra Meaning Transliteration : Bhagavan ! Jiva ke dvara baddha, sprishta, baddha aura sprishta kiye hue, sachitta, chitta aura apachitta kiye hue, kinchitvipaka ko prapta, vipaka ko prapta, phala ko prapta tatha udayaprapta, jiva ke dvara krita, nishpadita aura parinamita, svayam ke dvara dusare ke dvara ya donom ke dvara udirana – prapta, jnyanavaraniyakarma ka, gati ko, sthiti ko, bhava ko, pudgala ko tatha pudgala parinama ko prapta karake kitane prakara ka anubhava kaha hai\? Gautama ! Dasa prakara ka – shrotravarana, shrotravijnyanavarana, netravarana, netravijnyanavarana, ghranavarana, ghranavijnyanavarana, rasavarana, rasavijnyanavarana, sparshavarana aura sparshavijnyanavarana. Jnyanavaraniyakarma ke udaya se jo pudgala, pudgalom ya pudgala – parinama ko athava svabhava se pudgalom ke parinama ko vedata hai, unake udaya se janane yogya ko, janane ka ichchhuka hokara bhi aura janakara bhi nahim janata athava tirohita jnyanavala hota hai. Gautama ! Yaha hai jnyanavaraniya – karma. Aura yaha hai dasa prakara ka anubhava. Bhagavan ! Jiva ke dvara baddha yavat pudgala – parinama ko prapta karake darshanavaraniyakarma ka kitane prakara ka anubhava hai\? Gautama ! Nau prakara ka, nidra, nidra – nidra, prachala, prachala – prachala tatha styanarddhi evam chakshudarshana – varana, achakshudarshanavarana, avadhidarshanavarana aura kevaladarshanavarana. Darshanavarana ke udaya se jo pudgala, pudgalom athava pudgala – parinama ko ya svabhava se pudgalom ke parinama ko vedata hai, athava unake udaya se dekhane yogya ko, dekhana chahate hue bhi aura dekhakara bhi nahim dekhata athava tirohita darshanavala bhi ho jata hai. Gautama ! Yaha hai darshanavaraniyakarma. Jiva ke dvara baddha yavat pudgala – parinama ko pakara satavedaniyakarma ka kitane prakara ka anubhava hai\? Gautama ! Atha prakara ka – manojnyashabda, manojnyarupa, manojnyagandha, manojnyarasa, manojnyasparsha, mana ka saukhya, vachana ka saukhya aura kaya ka saukhya. Jisa pudgala ka yavat svabhava se pudgalom ke parinama ka vedana kiya jata hai, athava unake udaya se satavedaniyakarma ko veda jata hai. Gautama ! Yaha hai satavedaniyakarma. Jiva ke dvara baddha yavat asatavedaniyakarma ka kitane prakara ka anubhava hai\? Purvavat janana kintu ‘manojnya’ ke badale sarvatra ‘amanojnya’ yavat kaya ka duhkha janana. Jiva ke dvara baddha…yavat mohaniyakarma ka kitane prakara ka anubhava hai\? Gautama ! Pamcha prakara ka – samyaktva – vedaniya, mithyatva – vedaniya, samyag – mithyatva – vedaniya, kashaya – vedaniya aura no – kashaya – vedaniya. Jisa pudgala ka yavat svabhava se pudgalom ke parinama ka athava unake udaya se mohaniyakarma veda jata hai. Jiva ke dvara baddha…yavat ayushyakarma ka kitane prakara ka anubhava hai\? Gautama ! Chara prakara ka – narakayu, tiryamchayu, manushyayu aura devayu. Jisa pudgala ka yavat pudgalom ke parinama ka ya unake udaya se ayushyakarma veda jata hai, gautama ! Yaha hai – ayushyakarma. Jiva ke dvara baddha yavat shubha namakarma ka kitane prakara ka anubhava hai\? Gautama ! Chaudaha prakara ka – ishta shabda, ishta rupa, ishta gandha, ishta rasa, ishta sparsha, ishta gati, ishta sthiti, ishta lavanya, ishta yashokirti, ishta utthana – karma – bala – virya – purushakara – parakrama, ishta – svarata, kanta – svarata, priya – svarata aura manojnya – svarata. Jo pudgala yavat pudgalom ke parinama ka vedana kiya jata hai athava unake udaya se shubhanamakarma ko veda jata hai. Ashubhanamakarma ka jiva ke dvara baddha yavat kitane prakara ka anubhava hai\? Gautama ! Purvavat. – anishta shabda adi yavat hita – svarata, dina – svarata, anishta – svarata aura akanta – svarata. Jo pudgala adi ka vedana kiya jata hai yavat athava unake udaya se duhkha (ashubha) namakarma ko veda jata hai. Jiva ke dvara baddha yavat uchchagotrakarma ko kitane prakara ka anubhava hai\? Gautama ! Atha prakara ka – jati, kula, bala, rupa, tapa, shruta, labha aura aishvarya ki vishishtata. Jo pudgala yavat pudgalom ke parinama ko veda jata hai athava unake udaya se uchchagotrakarma ko veda jata hai. Jiva ke dvara baddha yavat nichagotrakarma ka kitane prakara ka anubhava hai\? Gautama ! Purvavat jati yavat aishvaryavihinata. Pudgala ka, yavat pudgalom ke parinama jo veda jata hai athava unhim ke udaya se nichagotrakarma ka vedana kiya jata hai. Jiva ke dvara baddha yavat antarayakarma ka kitane prakara ka anubhava hai\? Gautama ! Pamcha prakara ka – danantaraya, labhantaraya, bhogantaraya, upabhogantaraya aura viryantaraya. Pudgala ka yavat pudgalom ke parinama ka jo vedana kiya jata hai athava unake udaya se jo antarayadharma ko veda jata hai.