Sutra Navigation: Upasakdashang ( उपासक दशांग सूत्र )

Search Details

Mool File Details

Anuvad File Details

Sr No : 1005147
Scripture Name( English ): Upasakdashang Translated Scripture Name : उपासक दशांग सूत्र
Mool Language : Ardha-Magadhi Translated Language : Hindi
Chapter :

अध्ययन-७ सद्दालपुत्र

 Translated Chapter :

अध्ययन-७ सद्दालपुत्र
Section : Translated Section :
Sutra Number : 47 Category : Ang-07
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तए णं तस्स सद्दालपुत्तस्स समणोवासयस्स बहूहिं सील-व्वय-गुण-वेरमण-पच्चक्खाण-पोसहोववासेहिं अप्पाणं भावेमाणस्स चोद्दस संवच्छरा वीइक्कंता। पण्णरसमस्स संवच्छरस्स अंतरा वट्टमाणस्स अन्नदा कदाइ पुव्वरत्तावरत्तकालसमयंसि धम्मजागरियं जागरमाणस्स इमेयारूवे अज्झत्थिए चिंतिए पत्थिए मनोगए संकप्पे समुप्पज्जित्था– एवं खलु अहं पोलासपुरे नयरे बहूणं जाव आपुच्छणिज्जे पडिपुच्छणिज्जे, सयस्स वि य णं कुडुंबस्स मेढी जाव सव्वकज्जवड्ढावए, तं एतेणं वक्खेवेणं अहं नो संचाएमि समणस्स भगवओ महावीरस्स अंतियं धम्मपन्नत्ति उवसंपज्जित्ता णं विहरित्तए। तए णं से सद्दालपुत्ते समणोवासए जेट्ठपुत्तं मित्त-नाइ-नियग-सयण-संबंधि-परिजणं च आपुच्छइ, आपुच्छित्ता सयाओ गिहाओ पडिनिक्खमइ, पडिनिक्खमित्ता पोलासपुरं नयरं मज्झंमज्झेणं निग्गच्छइ, निग्गच्छित्ता जेणेव पोसहसाला तेणेव उवागच्छइ, उवागच्छित्ता पोसहसालं पमज्जइ, पमज्जित्ता उच्चार-पासवणभूमिं पडिलेहेइ, पडिलेहेत्ता दब्भसंथारयं संथरेइ, संथरेत्ता दब्भसंथारयं दुरुहइ, दुरुहित्ता पोसहसालाए पोसहिए बंभयारी उम्मुक्कमणिसुवण्णे ववगय-मालावण्णगविलेवणे निक्खित्तसत्थ-मुसले एगे अबीए दब्भसंथारोवगए समणस्स भगवओ महावीरस्स अंतियं धम्मपन्नत्तिं उवसंपज्जित्ता णं विहरइ। तए णं तस्स सद्दालपुत्तस्स समणोवासयस्स पुव्वरत्तावरत्तकाले एगे देवे अंतियं पाउब्भवित्था। तए णं से देवे एगं महं नीलुप्पल-गवलगुलिय-अयसिकुसुमप्पगासं खुरधारं असिं गहाय सद्दालपुत्तं समणोवासयं एवं वयासी–हंभो! सद्दालपुत्ता! समणोवासया! अप्पत्थियपत्थिया! दुरंत-पंत-लक्खणा! हीणपुण्णचाउद्दसिया! सिरि-हिरि-धिइ-कित्ति-परिवज्जिया! धम्मकामया! पुण्ण-कामया! सग्गकामया! मोक्खकामया! धम्मकंखिया! पुण्णकंखिया! सग्गकंखिया! मोक्खकंखिया! धम्मपिवासिया! पुण्णपिवासिया! सग्गपिवासिया! मोक्खपिवासिया! नो खलु कप्पइ तव देवानुप्पि-या! सीलाइं वयाइं वेरमणाइं पच्चक्खाणाइं पोसहोववासाइं चालित्तए वा खोभित्तए वा खंडित्तए वा भंजित्तए वा उज्झित्तए वा परिच्चइत्तए वा, तं जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो ते अहं अज्ज जेट्ठपुत्तं साओ गिहाओ नीणेमि, नीणेत्ता तव अग्गओ घाएमि, घाएत्ता नव मंससोल्ले करेमि, करेत्ता आदानभरियंसि कडाहयंसि अद्दहेमि, अद्दहेत्ता तव गायं मंसेण य सोणिएण य आइंचामि, जहा णं तुमं अट्ट-दुहट्ट-वसट्टे अकाले चेव जीवियाओ ववरोविज्जसि तए णं से सद्दालपुत्ते समणोवासए तेणं देवेणं एवं वुत्ते समाणे अभीए अतत्थे अनुव्विग्गे अखुभिए अचलिए असंभंते तुसिणीए धम्मज्झाणोवगए विहरइ। तए णं से देवे सद्दालपुत्तं समणोवासयं अभीयं अतत्थं अणुव्विग्गं अखुभियं अचलियं असंभंतं तुसिणीयं धम्मज्झा-णोवगयं विहरमाणं पासइ, पासित्ता दोच्चं पि तच्चं पि सद्दालपुत्तं समणोवासयं एवं वयासी–हंभो! सद्दालपुत्ता! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो ते अहं अज्ज जेट्ठपुत्तं साओ गिहाओ नीणेमि, नीणेत्ता तव अग्गओ घाएमि, घाएत्ता नव मंससोल्ले करेमि, करेत्ता आदानभरियंसि कडाहयंसि अद्दहेमि, अद्दहेत्ता तव गायं मंसेण य सोणिएण य आइंचामि, जहा णं तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं से सद्दालपुत्ते समणोवासए तेणं देवेणं दोच्चं पि तच्चं पि एवं वुत्ते समाणे अभीए जाव विहरइ। तए णं से देवे सद्दालपुत्तं समणोवासयं अभीयं जाव पासइ, पासित्ता आसुरत्ते रुट्ठे कुविए चंडिक्किए मिसिमिसीय-माणे सद्दालपुत्तस्स समणोवासयस्स जेट्ठपुत्तं गिहाओ नीणेइ, नीणेत्ता अग्गओ घाएइ, घाएत्ता नव मंससोल्ले करेइ, करेत्ता आदानभरियंसि कडाहयंसि अद्दहेइ, अद्दहेत्ता सद्दालपुत्तस्स समणोवासयस्स गायं मंसेण य सोणिएण य आइंचइ। तए णं से सद्दालपुत्ते समणोवासए तं उज्जलं विउलं कक्कसं पगाढं चंडं दुक्खं दुरहियासं वेयणं सम्मं सहइ खमइ तितिक्खइ अहियासेइ। तए णं से देवे सद्दालपुत्तं समणोवासयं अभीयं जाव पासइ, पासित्ता सद्दालपुत्तं समणोवासयं एवं वयासी–हंभो! सद्दालपुत्ता! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो ते अहं अज्ज मज्झिमं पुत्तं साओ गिहाओ नीणेमि, नीणेत्ता तव अग्गओ घाएमि, घाएत्ता नव मंससोल्ले करेमि, करेत्ता आदा-णभरियंसि कडाहयंसि अद्दहेमि, अद्दहेत्ता तव गायं मंसेण य सोणिएण य आइंचामि, जहा णं तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं से सद्दालपुत्ते समणोवासए तेणं देवेणं एवं वुत्ते समाणे अभीए जाव विहरइ। तए णं से देवे सद्दालपुत्तं समणोवासयं अभीयं जाव पासइ, पासित्ता दोच्चं पि तच्चं पि सद्दालपुत्तं समणोवासयं एवं वयासी–हंभो! सद्दालपुत्ता! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो ते अहं अज्ज मज्झिमं पुत्तं साओ गिहाओ नीणेमि, नीणेत्ता तव अग्गओ घाएमि, घाएत्ता नव मंससोल्ले करेमि, करेत्ता आदानभरियंसि कडाहयंसि अद्दहेमि, अद्दहेत्ता तव गायं मंसेण य सोणिएण य आइंचामि, जहा णं तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं से सद्दालपुत्ते समणोवासए तेणं देवेणं दोच्चं पि तच्चं पि एवं वुत्ते समाणे अभीए जाव विहरइ। तए णं से देवे सद्दालपुत्तं समणोवासयं अभीयं जाव पासइ, पासित्ता आसुरत्ते रुट्ठे कुविए चंडिक्किए मिसिमिसीय-माणे सद्दालपुत्तस्स समणोवासयस्स मज्झिमं पुत्तं गिहाओ नीणेइ, नीणेत्ता अग्गओ घाएइ, घाएत्ता नव मंससोल्ले करेइ, करेत्ता आदानभरियंसि कडाहयंसि अद्दहेइ, अद्दहेत्ता सद्दालपुत्तस्स समणोवासयस्स गायं मंसेण य सोणिएण य आइंचइ। तए णं से सद्दालपुत्ते समणोवासए तं उज्जलं जाव वेयणं सम्मं सहइ खमइ तितिक्खइ अहियासेइ। तए णं से देवे सद्दालपुत्तं समणोवासयं अभीयं जाव पासइ, पासित्ता सद्दालपुत्तं समणोवासयं एवं वयासी–हंभो! सद्दालपुत्ता! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो ते अहं अज्ज कनीयसं पुत्तं साओ गिहाओ नीणेमि, नीणेत्ता तव अग्गओ घाएमि, घाएत्ता नव मंससोल्ले करेमि, करेत्ता आदा-णभरियंसि कडाहयंसि अद्दहेमि, अद्दहेत्ता तव गायं मंसेण य सोणिएण य आइंचामि, जहा णं तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं से सद्दालपुत्ते समणोवासए तेणं देवेणं एवं वुत्ते समाणे अभीए जाव विहरइ। तए णं से देवे सद्दालपुत्तं समणोवासयं अभीयं जाव पासइ, पासित्ता दोच्चं पि तच्चं पि सद्दालपुत्तं समणोवासयं एवं वयासी–हंभो! सद्दालपुत्ता! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो ते अहं अज्ज कनीयसं पुत्तं साओ गिहाओ नीणेमि, नीणेत्ता तव अग्गओ घाएमि, घाएत्ता नव मंससोल्ले करेमि, करेत्ता आदानभरियंसि कडाहयंसि अद्दहेमि, अद्दहेत्ता तव गायं मंसेण य सोणिएण य आइंचामि, जहा णं तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं से सद्दालपुत्ते समणोवासए तेणं देवेणं दोच्चं पि तच्चं पि एवं वुत्ते समाणे अभीए जाव विहरइ। तए णं से देवे सद्दालपुत्तं समणोवासयं अभीयं जाव पासइ, पासित्ता आसुरत्ते रुट्ठे कुविए चंडिक्किए मिसिमिसीयमाणे सद्दालपुत्तस्स समणोवासयस्स कनीयसं पुत्तं गिहाओ नीणेइ, नीणेत्ता अग्गओ घाएइ, घाएत्ता नव मंससोल्ले करेइ, करेत्ता आदानभरियंसि कडाहयंसि अद्दहेइ, अद्दहेत्ता सद्दालपुत्तस्स समणोवासयस्स गायं मंसेण य सोणिएण य आइंचइ। तए णं से सद्दालपुत्ते समणोवासए तं उज्जलं जाव वेयणं सम्मं सहइ खमइ तितिक्खइ अहियासेइ। तए णं से देवे सद्दालपुत्तं समणोवासयं अभीयं जाव पासइ, पासित्ता चउत्थं पि सद्दालपुत्तं समणोवासयं एवं वयासी–हंभो! सद्दालपुत्ता! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो ते अहं अज्ज जा इमा अग्गिमित्ता भारिया धम्हसहाइया धम्मविइज्जिया धम्माणुरागरत्ता समसुहदुक्खस-हाइया, तं साओ गिहाओ नीणेमि, नीणेत्ता तव अग्गओ घाएमि, घाएत्ता नव मंससोल्लए करेमि, करेत्ता आदानभरियंसि कडाह-यंसि अद्दहेमि, अद्दहेत्ता तव गायं मंसेण य सोणिएण य आइंचामि, जहा णं तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं से सद्दालपुत्ते समणोवासए तेणं देवेणं एवं वुत्ते समाणे अभीए जाव विहरइ। तए णं से देवे सद्दालपुत्तं समणोवासयं अभीयं जाव पासइ, पासित्ता दोच्चं पि तच्चं पि सद्दालपुत्तं समणोवासयं एवं वयासी–हंभो! सद्दालपुत्ता! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो ते अहं अज्ज जा इमा अग्गिमित्ता भारिया धम्मसहाइया धम्मविइज्जिया धम्माणुरागरत्ता समसुहदुक्खसहाइया तं साओ गिहाओ नीणेमि, नीणेत्ता तव अग्गओ घाएमि, घाएत्ता नव मंससोल्ले करेमि, करेत्ता तव गायं मंसेण य सोणिएण य आइंचामि, जहा णं तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं तस्स सद्दालपुत्तस्स समणोवासयस्स तेणं देवेणं दोच्चं पि तच्चं पि एवं वुत्तस्स समाणस्स अयं अज्झत्थिए चिंतिए पत्थिए मनोगए संकप्पे समुप्पज्जित्था–अहो णं इमे पुरिसे अनारिए अनारियबुद्धी अनारियाइं पावाइं कम्माइं समाचरति, जे णं ममं जेट्ठं पुत्तं, जे णं ममं मज्झिमयं पुत्तं, जेणं ममं कनीयसं पुत्तं साओ गिहाओ नीणेइ, नीणेत्ता मम अग्गओ घाएइ, घाएत्ता नव मंससोल्ले करेइ, करेत्ता आदानभरियंसि कडाहयंसि अद्दहेइ, अद्दहेत्ता ममं गायं मंसेण य सोणिएण य आइंचइ, जा वि य णं ममं अग्गिमित्ता भारिया धम्मसहाइया धम्मविइज्जिया धम्माणु-रागरत्ता समसुहदुक्खसहाइया, तं पि य इच्छइ साओ गिहाओ नीणेत्ता ममं अग्गओ घाएत्तए। तं सेयं खलु ममं एयं पुरिसं गिण्हित्तए त्ति कट्टु उद्धाविए, से वि य आगासे उप्पइए, तेण च खंभे आसाइए, महया-महया सद्देणं कोलाहले कए। तए णं सा अग्गिमित्ता भारिया तं कोलाहलसद्दं सोच्चा निसम्म जेणेव सद्दालपुत्ते समणोवासए, तेणेव उवागच्छइ, उवागच्छित्ता सद्दालपुत्तं समणोवासयं एवं वयासी–किण्णं देवानुप्पिया! तुब्भे णं महया-महया सद्देणं कोलाहले कए? तए णं से सद्दालपुत्ते समणोवासए अग्गिमित्तं भारियं एवं वयासी–एवं खलु देवानुप्पिए! न याणामि के वि पुरिसे आसुरत्ते रुट्ठे कुविए चंडिक्किए मिसिमिसीयमाणे एगं महं नीलुप्पल-गवलगुलिय-अयसिकुसुमप्पगासं खुरधारं असिं गहाय ममं एवं वयासी–हंभो! सद्दालपुत्ता! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो ते अहं अज्ज जेट्ठपुत्तं साओ गिहाओ नीणेमि, नीणेत्ता तव अग्गओ घाएमि, घाएत्ता नव मंससोल्ले करेमि, करेत्ता आदानभरियंसि कडाहयंसि अद्दहेमि, अद्दहेत्ता तव गायं मंसेण य सोणिएण य आइंचामि, जहा णं तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं अहं तेणं पुरिसेणं एवं वुत्ते समाणे अभीए जाव विहरामि। तए णं से पुरिसे ममं अभीयं जाव पासइ, पासित्ता ममं दोच्चं पि तच्चं पि एवं वयासी– हंभो! सद्दालपुत्ता! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो ते अहं अज्ज जेट्ठपुत्तं साओ गिहाओ नीणेमि, नीणेत्ता तव अग्गओ घाएमि, घाएत्ता नव मंससोल्ले करेमि, करेत्ता आदानभरियंसि कडाहयंसि अद्दहेमि, अद्दहेत्ता तव गायं मंसेण य सोणिएण य आइंचामि, जहा णं तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं अहं तेणं पुरिसेणं दोच्चं पि तच्चं पि एवं वुत्ते समाणे अभीए जाव विहरामि। तए णं से पुरिसे ममं अभीयं जाव पासइ, पासित्ता आसुरत्ते रुट्ठे कुविए चंडिक्किए मिसिमिसीयमाणे ममं जेट्ठपुत्तं गिहाओ नीणेइ, नीणेत्ता मम अग्गओ घाएइ, घाएत्ता नव मंससोल्ले करेइ, करेत्ता आदानभरियंसि कडाहयंसि अद्दहेइ, अद्दहेत्ता ममं गायं मंसेण य सोणिएण य आइंचइ। तए णं अहं तं उज्जलं जाव वेयणं सम्मं सहामि खमामि तितिक्खामि अहियासेमि। एवं मज्झिमं पुत्तं जाव वेयणं सम्मं सहामि खमामि तितिक्खामि अहियासेमि। एवं कनीयसं पुत्तं जाव वेयणं सम्मं सहामि खमामि तितिक्खामि अहियासेमि। तए णं से पुरिसे ममं अभीयं जाव पासइ, पासित्ता ममं चउत्थं पि एवं वयासी–हंभो! सद्दालपुत्ता! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो ते अहं अज्ज जा इमा अग्गिमित्ता भारिया धम्मसहाइया धम्मविइज्जिया धम्माणुरागरत्ता समसुहदुक्खसहाइया तं साओ गिहाओ नीणेमि, नीणेत्ता तव अग्गओ घाएमि, घाएत्ता नव मंससोल्ले करेमि, करेत्ता आदानभरियंसि कडाहयंसि अद्दहेमि, अद्दहेत्ता तव गायं मंसेण य सोणिएण य आइंचामि, जहा णं तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं अहं तेणं पुरिसेणं एवं वुत्ते समाणे अभीए जाव विहरामि। तए णं से पुरिसे ममं अभीयं जाव दोच्चं पि तच्चं पि ममं एवं वयासी–हंभो! सद्दालपुत्ता! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो जाव तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं तेणं पुरिसेणं दोच्चं पि तच्चं पि ममं एवं वुत्तस्स समाणस्स इमेयारूवे अज्झत्थिए चिंतिए पत्थिए मनोगए संकप्पे समुप्पज्जित्था–अहो णं इमे पुरिसे अनारिए अनारियबुद्धी अनारियाइं पावाइं कम्माइं समाचरति, जे णं ममं जेट्ठपुत्तं, जे णं ममं मज्झि मयं पुत्तं, जे णं ममं कनीयसं पुत्तं साओ गिहाओ नीणेइ, नीणेत्ता मम अग्गओ घाएइ, घाएत्ता नव मंससोल्ले करेइ, करेत्ता आदानभरियंसि कडाहयंसि अद्दहेइ, अद्दहेत्ता ममं गायं मंसेण य सोणिएण य आइंचइ, तुमं पि य णं इच्छइ साओ गिहाओ नीणेत्ता मम अग्गओ घाएत्तए, तं सेयं खलु ममं एयं पुरिसं गिण्हित्तए त्ति कट्टु उद्धाविए, से वि य आगासे उप्पइए, मए वि य खंभे आसाइए, महया-महया सद्देणं कोलाहले कए। तए णं सा अग्गिमित्ता भारिया सद्दालपुत्तं समणोवासयं एवं वयासी– नो खलु केइ पुरिसे तव जेट्ठपुत्तं साओ गिहाओ नीणेइ, नीणेत्ता तव अग्गओ घाएइ, नो खलु केइ पुरिसे तव मज्झिमयं पुत्तं साओ गिहाओ नीणेइ, नीणेत्ता तव अग्गओ घाएइ, नो खलु केइ पुरिसे तव कनीयसं पुत्तं साओ गिहाओ नीणेइ, नीणेत्ता तव अग्गओ घाएइ, एस णं केइ पुरिसे तव उवसग्गं करेइ, एस णं तुमं विदरिसणे दिट्ठे। तं णं तुमं इयाणिं भग्गवए भग्गनियमे भग्गपोसहे विहरसि। तं णं तुमं पिया! एयस्स ठाणस्स आलोएहि पडिक्कमाहि निंदाहि गरिहाहि विउट्टाहि विसोहेहि अकरणयाए अब्भुट्ठाहि अहारिहं पायच्छित्तं तवोकम्मं पडिवज्जाहि। तए णं से सद्दालपुत्ते समणोवासए अग्गिमित्ताए भारियाए तह त्ति एयमट्ठं विनएणं पडिसुणेइ, पडिसुणेत्ता तस्स ठाणस्स आलोएइ पडिक्कमइ निंदइ गरिहइ विउट्टइ विसोहेइ अकरणयाए अब्भुट्ठेइ अहारिहं पायच्छित्तं तवोकम्मं पडिवज्जइ। तए णं से सद्दालपुत्ते समणोवासए पढमं उवासगपडिमं उवसंपज्जित्ता णं विहरइ। तए णं से सद्दालपुत्ते समणोवासए पढमं उवासगपडिमं अहासुत्तं अहाकप्पं अहामग्गं अहातच्चं सम्मं काएणं फासेइ पालेइ सोहेइ तीरेइ कित्तेइ आराहेइ। तए णं से सद्दालपुत्ते समणोवासए दोच्चं उवासगपडिमं, एवं तच्चं, चउत्थं, पंचमं, छट्ठं, सत्तमं, अट्ठमं, नवमं, दसमं, एक्कारसमं उवासगपडिमं अहासुत्तं अहाकप्पं अहामग्गं अहातच्चं सम्मं काएणं फासेइ पालेइ सोहेइ तीरेइ कित्तेइ आराहेइ। तए णं से सद्दालपुत्ते समणोवासए तेणं ओरालेणं विउलेणं पयत्तेणं पग्गहिएणं तवोकम्मेणं सुक्के लुक्खे निम्मंसे अट्ठिचम्मावणद्धे किडिकिडियाभूए किसे धमणिसंतए जाए। तए णं तस्स सद्दालपुत्तस्स समणोवासयस्स अन्नदा कदाइ, पुव्वरत्तावरत्तकालसमयंसि धम्मजागरियं जागरमाणस्स अयं अज्झत्थिए चिंतिए पत्थिए मनोगए संकप्पे समुप्पज्जित्था–एवं खलु अहं इमेणं एयारूवेणं ओरालेणं विउलेणं पयत्तेणं पग्ग हिएणं तवोकम्मेणं सुक्के लुक्खे निम्मंसे अट्ठिचम्मावणद्धे किडिकिडियाभूए किसे धमणिसंतए जाए। तं अत्थि ता मे उट्ठाणे कम्मे बले वीरिए पुरिसक्कार-परक्कमे सद्धा-धिइ-संवेगे, तं जावता मे अत्थि उट्ठाणे कम्मे बले वीरिए पुरिसक्कार-परक्कमे सद्धा-धिइ-संवेगे, जाव य मे धम्मायरिए धम्मोवएसए समणे भगवं महावीरे जिने सुहत्थी विहरइ, तावता मे सेयं कल्लं पाउप्पभायाए रयणीए जाव उट्ठियम्मि सूरे सहस्सरस्सिम्मि दिनयरे तेयसा जलंते अपच्छिममारणंतियसंलेहणा-ज्झूसणा-ज्झूसियस्स भत्तपाणपडियाइक्खियस्स, कालं अणवकंख-माणस्स विहरित्तए– एवं संपेहेइ, संपेहेत्ता कल्लं पाउप्पभायाए रयणीए जाव उट्ठियम्मि सूरे सहस्सरस्सिम्मि दिनयरे तेयसा जलंते अपच्छिममारणंतियसंलेहणा-ज्झूसणा-ज्झूसिए भत्तपान-पडियाइक्खिए कालं अनवकंखमाणे विहरइ। तए णं से सद्दालपुत्ते समणोवासए बहूहिं सील-व्वय-गुण-वेरमण-पच्चक्खाण-पोसहोववासेहिं अप्पाणं भावेत्ता वीसं वासाइं समणोवासगपरियागं पाउणित्ता, एक्कारस य उवासगपडिमाओ सम्मं काएणं फासित्ता, मासियाए संलेहणाए अत्ताणं ज्झूसित्ता, सट्ठिं भत्ताइं अणसणाए छेदेत्ता, आलोइय-पडिक्कंते समाहिपत्ते कालमासे कालं किच्चा सोहम्मे कप्पे अरुणच्चए विमाणे देवत्ताए उववण्णे। चत्तारि पलिओवमाइं ठिई पन्नत्ता। महाविदेहे वासे सिज्झिहिइ बुज्झिहिइ मुच्चिहिइ सव्वदुक्खाणमंतं काहिइ। एवं खलु जंबू! समणेणं भगवया महावीरेणं उवासगदसाणं सत्तमस्स अज्झयणस्स अयमट्ठे पन्नत्ते।
Sutra Meaning : तदनन्तर श्रमणोपासक सकडालपुत्र को व्रतों की उपासना द्वारा आत्म – भावित होते हुए चौदह वर्ष व्यतीत हो गए। जब पन्द्रहवा वर्ष चल रहा था, तब एक बार आधी रात के समय वह श्रमण भगवान महावीर के पास अंगीकृत धर्मप्रज्ञप्ति के अनुरूप पोषधशाला में उपासनारत था। अर्ध – रात्रि में श्रमणोपासक सकडालपुत्र समक्ष एक देव प्रकट हुआ। उस देव ने एक बड़ी, नीली तलवार नीकालकर श्रमणोपासक सकडालपुत्र से उसी प्रकार कहा, वैसे ही उपसर्ग किया, जैसा चुलनीपिता के साथ देव ने किया था। केवल यही अन्तर था कि यहाँ देव ने एक के नौ नौ मांस – खंड किए। ऐसा होने पर भी श्रमणोपासक सकडालपुत्र निर्भीकतापूर्वक धर्म – ध्यान में लगा रहा। उस देव ने जब श्रमणोपासक सकडालपुत्र को निर्भीक देखा, तो चौथी बार उसको कहा – मौत को चाहने वाले श्रमणोपासक सकडालपुत्र ! यदि तुम अपना व्रत नहीं तोड़ते हो तो तुम्हारी धर्म – सहायिका – धर्मवैद्या अथवा धर्मद्वीतिया, धर्मानुरागरक्ता, समसुखदुःख – सहायिका – पत्नी अग्निमित्रा को घर से ले आऊंगा, तुम्हारे आगे उसकी हत्या करूँगा, नौ मांस – खंड करूँगा, उबलते पानी से भरी कढ़ाही में खौलाऊंगा, उसके मांस और रक्त से तुम्हारे शरीर को सींचूंगा, जिससे तुम आर्त्तध्यान और विकट दुःख से पीड़ित होकर प्राणों से हाथ धो बैठोगे। देव द्वारा यों कहे जाने पर भी सकडालपुत्र निर्भीकतापूर्वक धर्म – ध्यान में लगा रहा। तब उस देव ने श्रमणोपासक सकडालपुत्र को पुनः दूसरी बार, तीसरी बार वैसा ही कहा। उस देव द्वारा पुनः दूसरी बार, तीसरी बार वैसा कहे जान पर श्रमणोपासक सकडालपुत्र के मन में चुलनीपिता की तरह विचार उत्पन्न हुआ। वह सोचने लगा – जिसने मेरे बड़े पुत्र को, मंझले पुत्र को तथा छोटे पुत्र को मारा, उनका मांस और रक्त मेरे शरीर पर छिड़का, अब मेरी सुख दुःख में सहयोगिनी पत्नी अग्निमित्रा को घर से ले आकर मेरे आगे मार देना चाहता है, अतः मेरे लिए यही श्रेयस्कर है कि मैं इस पुरुष को पकड़ लूँ। यों विचार कर वह दौड़ा। सकडालपुत्र की पत्नी अग्निमित्रा ने कोलाहल सूना। शेष चुलनीपिता की तरह है। केवल इतना भेद है, सकडालपुत्र अरुणभूत विमान में उत्पन्न हुआ। महाविदेह क्षेत्र में वह सिद्ध – मुक्त होगा।
Mool Sutra Transliteration : [sutra] tae nam tassa saddalaputtassa samanovasayassa bahuhim sila-vvaya-guna-veramana-pachchakkhana-posahovavasehim appanam bhavemanassa choddasa samvachchhara viikkamta. Pannarasamassa samvachchharassa amtara vattamanassa annada kadai puvvarattavarattakalasamayamsi dhammajagariyam jagaramanassa imeyaruve ajjhatthie chimtie patthie manogae samkappe samuppajjittha– Evam khalu aham polasapure nayare bahunam java apuchchhanijje padipuchchhanijje, sayassa vi ya nam kudumbassa medhi java savvakajjavaddhavae, tam etenam vakkhevenam aham no samchaemi samanassa bhagavao mahavirassa amtiyam dhammapannatti uvasampajjitta nam viharittae. Tae nam se saddalaputte samanovasae jetthaputtam mitta-nai-niyaga-sayana-sambamdhi-parijanam cha apuchchhai, apuchchhitta sayao gihao padinikkhamai, padinikkhamitta polasapuram nayaram majjhammajjhenam niggachchhai, niggachchhitta jeneva posahasala teneva uvagachchhai, uvagachchhitta posahasalam pamajjai, pamajjitta uchchara-pasavanabhumim padilehei, padilehetta dabbhasamtharayam samtharei, samtharetta dabbhasamtharayam duruhai, duruhitta posahasalae posahie bambhayari ummukkamanisuvanne vavagaya-malavannagavilevane nikkhittasattha-musale ege abie dabbhasamtharovagae samanassa bhagavao mahavirassa amtiyam dhammapannattim uvasampajjitta nam viharai. Tae nam tassa saddalaputtassa samanovasayassa puvvarattavarattakale ege deve amtiyam paubbhavittha. Tae nam se deve egam maham niluppala-gavalaguliya-ayasikusumappagasam khuradharam asim gahaya saddalaputtam samanovasayam evam vayasi–hambho! Saddalaputta! Samanovasaya! Appatthiyapatthiya! Duramta-pamta-lakkhana! Hinapunnachauddasiya! Siri-hiri-dhii-kitti-parivajjiya! Dhammakamaya! Punna-kamaya! Saggakamaya! Mokkhakamaya! Dhammakamkhiya! Punnakamkhiya! Saggakamkhiya! Mokkhakamkhiya! Dhammapivasiya! Punnapivasiya! Saggapivasiya! Mokkhapivasiya! No khalu kappai tava devanuppi-ya! Silaim vayaim veramanaim pachchakkhanaim posahovavasaim chalittae va khobhittae va khamdittae va bhamjittae va ujjhittae va parichchaittae va, tam jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to te aham ajja jetthaputtam sao gihao ninemi, ninetta tava aggao ghaemi, ghaetta nava mamsasolle karemi, karetta adanabhariyamsi kadahayamsi addahemi, addahetta tava gayam mamsena ya soniena ya aimchami, jaha nam tumam atta-duhatta-vasatte akale cheva jiviyao vavarovijjasi Tae nam se saddalaputte samanovasae tenam devenam evam vutte samane abhie atatthe anuvvigge akhubhie achalie asambhamte tusinie dhammajjhanovagae viharai. Tae nam se deve saddalaputtam samanovasayam abhiyam atattham anuvviggam akhubhiyam achaliyam asambhamtam tusiniyam dhammajjha-novagayam viharamanam pasai, pasitta dochcham pi tachcham pi saddalaputtam samanovasayam evam vayasi–hambho! Saddalaputta! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to te aham ajja jetthaputtam sao gihao ninemi, ninetta tava aggao ghaemi, ghaetta nava mamsasolle karemi, karetta adanabhariyamsi kadahayamsi addahemi, addahetta tava gayam mamsena ya soniena ya aimchami, jaha nam tumam atta-duhatta-vasatte akale cheva jiviyao vavarovijjasi. Tae nam se saddalaputte samanovasae tenam devenam dochcham pi tachcham pi evam vutte samane abhie java viharai. Tae nam se deve saddalaputtam samanovasayam abhiyam java pasai, pasitta asuratte rutthe kuvie chamdikkie misimisiya-mane saddalaputtassa samanovasayassa jetthaputtam gihao ninei, ninetta aggao ghaei, ghaetta nava mamsasolle karei, karetta adanabhariyamsi kadahayamsi addahei, addahetta saddalaputtassa samanovasayassa gayam mamsena ya soniena ya aimchai. Tae nam se saddalaputte samanovasae tam ujjalam viulam kakkasam pagadham chamdam dukkham durahiyasam veyanam sammam sahai khamai titikkhai ahiyasei. Tae nam se deve saddalaputtam samanovasayam abhiyam java pasai, pasitta saddalaputtam samanovasayam evam vayasi–hambho! Saddalaputta! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to te aham ajja majjhimam puttam sao gihao ninemi, ninetta tava aggao ghaemi, ghaetta nava mamsasolle karemi, karetta ada-nabhariyamsi kadahayamsi addahemi, addahetta tava gayam mamsena ya soniena ya aimchami, jaha nam tumam atta-duhatta-vasatte akale cheva jiviyao vavarovijjasi. Tae nam se saddalaputte samanovasae tenam devenam evam vutte samane abhie java viharai. Tae nam se deve saddalaputtam samanovasayam abhiyam java pasai, pasitta dochcham pi tachcham pi saddalaputtam samanovasayam evam vayasi–hambho! Saddalaputta! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to te aham ajja majjhimam puttam sao gihao ninemi, ninetta tava aggao ghaemi, ghaetta nava mamsasolle karemi, karetta adanabhariyamsi kadahayamsi addahemi, addahetta tava gayam mamsena ya soniena ya aimchami, jaha nam tumam atta-duhatta-vasatte akale cheva jiviyao vavarovijjasi. Tae nam se saddalaputte samanovasae tenam devenam dochcham pi tachcham pi evam vutte samane abhie java viharai. Tae nam se deve saddalaputtam samanovasayam abhiyam java pasai, pasitta asuratte rutthe kuvie chamdikkie misimisiya-mane saddalaputtassa samanovasayassa majjhimam puttam gihao ninei, ninetta aggao ghaei, ghaetta nava mamsasolle karei, karetta adanabhariyamsi kadahayamsi addahei, addahetta saddalaputtassa samanovasayassa gayam mamsena ya soniena ya aimchai. Tae nam se saddalaputte samanovasae tam ujjalam java veyanam sammam sahai khamai titikkhai ahiyasei. Tae nam se deve saddalaputtam samanovasayam abhiyam java pasai, pasitta saddalaputtam samanovasayam evam vayasi–hambho! Saddalaputta! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to te aham ajja kaniyasam puttam sao gihao ninemi, ninetta tava aggao ghaemi, ghaetta nava mamsasolle karemi, karetta ada-nabhariyamsi kadahayamsi addahemi, addahetta tava gayam mamsena ya soniena ya aimchami, jaha nam tumam atta-duhatta-vasatte akale cheva jiviyao vavarovijjasi. Tae nam se saddalaputte samanovasae tenam devenam evam vutte samane abhie java viharai. Tae nam se deve saddalaputtam samanovasayam abhiyam java pasai, pasitta dochcham pi tachcham pi saddalaputtam samanovasayam evam vayasi–hambho! Saddalaputta! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to te aham ajja kaniyasam puttam sao gihao ninemi, ninetta tava aggao ghaemi, ghaetta nava mamsasolle karemi, karetta adanabhariyamsi kadahayamsi addahemi, addahetta tava gayam mamsena ya soniena ya aimchami, jaha nam tumam atta-duhatta-vasatte akale cheva jiviyao vavarovijjasi. Tae nam se saddalaputte samanovasae tenam devenam dochcham pi tachcham pi evam vutte samane abhie java viharai. Tae nam se deve saddalaputtam samanovasayam abhiyam java pasai, pasitta asuratte rutthe kuvie chamdikkie misimisiyamane saddalaputtassa samanovasayassa kaniyasam puttam gihao ninei, ninetta aggao ghaei, ghaetta nava mamsasolle karei, karetta adanabhariyamsi kadahayamsi addahei, addahetta saddalaputtassa samanovasayassa gayam mamsena ya soniena ya aimchai. Tae nam se saddalaputte samanovasae tam ujjalam java veyanam sammam sahai khamai titikkhai ahiyasei. Tae nam se deve saddalaputtam samanovasayam abhiyam java pasai, pasitta chauttham pi saddalaputtam samanovasayam evam vayasi–hambho! Saddalaputta! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to te aham ajja ja ima aggimitta bhariya dhamhasahaiya dhammaviijjiya dhammanuragaratta samasuhadukkhasa-haiya, tam sao gihao ninemi, ninetta tava aggao ghaemi, ghaetta nava mamsasollae karemi, karetta adanabhariyamsi kadaha-yamsi addahemi, addahetta tava gayam mamsena ya soniena ya aimchami, jaha nam tumam atta-duhatta-vasatte akale cheva jiviyao vavarovijjasi. Tae nam se saddalaputte samanovasae tenam devenam evam vutte samane abhie java viharai. Tae nam se deve saddalaputtam samanovasayam abhiyam java pasai, pasitta dochcham pi tachcham pi saddalaputtam samanovasayam evam vayasi–hambho! Saddalaputta! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to te aham ajja ja ima aggimitta bhariya dhammasahaiya dhammaviijjiya dhammanuragaratta samasuhadukkhasahaiya tam sao gihao ninemi, ninetta tava aggao ghaemi, ghaetta nava mamsasolle karemi, karetta tava gayam mamsena ya soniena ya aimchami, jaha nam tumam atta-duhatta-vasatte akale cheva jiviyao vavarovijjasi. Tae nam tassa saddalaputtassa samanovasayassa tenam devenam dochcham pi tachcham pi evam vuttassa samanassa ayam ajjhatthie chimtie patthie manogae samkappe samuppajjittha–aho nam ime purise anarie anariyabuddhi anariyaim pavaim kammaim samacharati, je nam mamam jettham puttam, je nam mamam majjhimayam puttam, jenam mamam kaniyasam puttam sao gihao ninei, ninetta mama aggao ghaei, ghaetta nava mamsasolle karei, karetta adanabhariyamsi kadahayamsi addahei, addahetta mamam gayam mamsena ya soniena ya aimchai, ja vi ya nam mamam aggimitta bhariya dhammasahaiya dhammaviijjiya dhammanu-ragaratta samasuhadukkhasahaiya, tam pi ya ichchhai sao gihao ninetta mamam aggao ghaettae. Tam seyam khalu mamam eyam purisam ginhittae tti kattu uddhavie, se vi ya agase uppaie, tena cha khambhe asaie, mahaya-mahaya saddenam kolahale kae. Tae nam sa aggimitta bhariya tam kolahalasaddam sochcha nisamma jeneva saddalaputte samanovasae, teneva uvagachchhai, uvagachchhitta saddalaputtam samanovasayam evam vayasi–kinnam devanuppiya! Tubbhe nam mahaya-mahaya saddenam kolahale kae? Tae nam se saddalaputte samanovasae aggimittam bhariyam evam vayasi–evam khalu devanuppie! Na yanami ke vi purise asuratte rutthe kuvie chamdikkie misimisiyamane egam maham niluppala-gavalaguliya-ayasikusumappagasam khuradharam asim gahaya mamam evam vayasi–hambho! Saddalaputta! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to te aham ajja jetthaputtam sao gihao ninemi, ninetta tava aggao ghaemi, ghaetta nava mamsasolle karemi, karetta adanabhariyamsi kadahayamsi addahemi, addahetta tava gayam mamsena ya soniena ya aimchami, jaha nam tumam atta-duhatta-vasatte akale cheva jiviyao vavarovijjasi. Tae nam aham tenam purisenam evam vutte samane abhie java viharami. Tae nam se purise mamam abhiyam java pasai, pasitta mamam dochcham pi tachcham pi evam vayasi– Hambho! Saddalaputta! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to te aham ajja jetthaputtam sao gihao ninemi, ninetta tava aggao ghaemi, ghaetta nava mamsasolle karemi, karetta adanabhariyamsi kadahayamsi addahemi, addahetta tava gayam mamsena ya soniena ya aimchami, jaha nam tumam atta-duhatta-vasatte akale cheva jiviyao vavarovijjasi. Tae nam aham tenam purisenam dochcham pi tachcham pi evam vutte samane abhie java viharami. Tae nam se purise mamam abhiyam java pasai, pasitta asuratte rutthe kuvie chamdikkie misimisiyamane mamam jetthaputtam gihao ninei, ninetta mama aggao ghaei, ghaetta nava mamsasolle karei, karetta adanabhariyamsi kadahayamsi addahei, addahetta mamam gayam mamsena ya soniena ya aimchai. Tae nam aham tam ujjalam java veyanam sammam sahami khamami titikkhami ahiyasemi. Evam majjhimam puttam java veyanam sammam sahami khamami titikkhami ahiyasemi. Evam kaniyasam puttam java veyanam sammam sahami khamami titikkhami ahiyasemi. Tae nam se purise mamam abhiyam java pasai, pasitta mamam chauttham pi evam vayasi–hambho! Saddalaputta! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to te aham ajja ja ima aggimitta bhariya dhammasahaiya dhammaviijjiya dhammanuragaratta samasuhadukkhasahaiya tam sao gihao ninemi, ninetta tava aggao ghaemi, ghaetta nava mamsasolle karemi, karetta adanabhariyamsi kadahayamsi addahemi, addahetta tava gayam mamsena ya soniena ya aimchami, jaha nam tumam atta-duhatta-vasatte akale cheva jiviyao vavarovijjasi. Tae nam aham tenam purisenam evam vutte samane abhie java viharami. Tae nam se purise mamam abhiyam java dochcham pi tachcham pi mamam evam vayasi–hambho! Saddalaputta! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to java tumam atta-duhatta-vasatte akale cheva jiviyao vavarovijjasi. Tae nam tenam purisenam dochcham pi tachcham pi mamam evam vuttassa samanassa imeyaruve ajjhatthie chimtie patthie manogae samkappe samuppajjittha–aho nam ime purise anarie anariyabuddhi anariyaim pavaim kammaim samacharati, je nam mamam jetthaputtam, je nam mamam majjhi mayam puttam, je nam mamam kaniyasam puttam sao gihao ninei, ninetta mama aggao ghaei, ghaetta nava mamsasolle karei, karetta adanabhariyamsi kadahayamsi addahei, addahetta mamam gayam mamsena ya soniena ya aimchai, tumam pi ya nam ichchhai sao gihao ninetta mama aggao ghaettae, tam seyam khalu mamam eyam purisam ginhittae tti kattu uddhavie, se vi ya agase uppaie, mae vi ya khambhe asaie, mahaya-mahaya saddenam kolahale kae. Tae nam sa aggimitta bhariya saddalaputtam samanovasayam evam vayasi– No khalu kei purise tava jetthaputtam sao gihao ninei, ninetta tava aggao ghaei, no khalu kei purise tava majjhimayam puttam sao gihao ninei, ninetta tava aggao ghaei, no khalu kei purise tava kaniyasam puttam sao gihao ninei, ninetta tava aggao ghaei, esa nam kei purise tava uvasaggam karei, esa nam tumam vidarisane ditthe. Tam nam tumam iyanim bhaggavae bhagganiyame bhaggaposahe viharasi. Tam nam tumam piya! Eyassa thanassa aloehi padikkamahi nimdahi garihahi viuttahi visohehi akaranayae abbhutthahi ahariham payachchhittam tavokammam padivajjahi. Tae nam se saddalaputte samanovasae aggimittae bhariyae taha tti eyamattham vinaenam padisunei, padisunetta tassa thanassa aloei padikkamai nimdai garihai viuttai visohei akaranayae abbhutthei ahariham payachchhittam tavokammam padivajjai. Tae nam se saddalaputte samanovasae padhamam uvasagapadimam uvasampajjitta nam viharai. Tae nam se saddalaputte samanovasae padhamam uvasagapadimam ahasuttam ahakappam ahamaggam ahatachcham sammam kaenam phasei palei sohei tirei kittei arahei. Tae nam se saddalaputte samanovasae dochcham uvasagapadimam, evam tachcham, chauttham, pamchamam, chhattham, sattamam, atthamam, navamam, dasamam, ekkarasamam uvasagapadimam ahasuttam ahakappam ahamaggam ahatachcham sammam kaenam phasei palei sohei tirei kittei arahei. Tae nam se saddalaputte samanovasae tenam oralenam viulenam payattenam paggahienam tavokammenam sukke lukkhe nimmamse atthichammavanaddhe kidikidiyabhue kise dhamanisamtae jae. Tae nam tassa saddalaputtassa samanovasayassa annada kadai, puvvarattavarattakalasamayamsi dhammajagariyam jagaramanassa ayam ajjhatthie chimtie patthie manogae samkappe samuppajjittha–evam khalu aham imenam eyaruvenam oralenam viulenam payattenam pagga hienam tavokammenam sukke lukkhe nimmamse atthichammavanaddhe kidikidiyabhue kise dhamanisamtae jae. Tam atthi ta me utthane kamme bale virie purisakkara-parakkame saddha-dhii-samvege, tam javata me atthi utthane kamme bale virie purisakkara-parakkame saddha-dhii-samvege, java ya me dhammayarie dhammovaesae samane bhagavam mahavire jine suhatthi viharai, tavata me seyam kallam pauppabhayae rayanie java utthiyammi sure sahassarassimmi dinayare teyasa jalamte apachchhimamaranamtiyasamlehana-jjhusana-jjhusiyassa bhattapanapadiyaikkhiyassa, kalam anavakamkha-manassa viharittae– evam sampehei, sampehetta kallam pauppabhayae rayanie java utthiyammi sure sahassarassimmi dinayare teyasa jalamte apachchhimamaranamtiyasamlehana-jjhusana-jjhusie bhattapana-padiyaikkhie kalam anavakamkhamane viharai. Tae nam se saddalaputte samanovasae bahuhim sila-vvaya-guna-veramana-pachchakkhana-posahovavasehim appanam bhavetta visam vasaim samanovasagapariyagam paunitta, ekkarasa ya uvasagapadimao sammam kaenam phasitta, masiyae samlehanae attanam jjhusitta, satthim bhattaim anasanae chhedetta, aloiya-padikkamte samahipatte kalamase kalam kichcha sohamme kappe arunachchae vimane devattae uvavanne. Chattari paliovamaim thii pannatta. Mahavidehe vase sijjhihii bujjhihii muchchihii savvadukkhanamamtam kahii. Evam khalu jambu! Samanenam bhagavaya mahavirenam uvasagadasanam sattamassa ajjhayanassa ayamatthe pannatte.
Sutra Meaning Transliteration : Tadanantara shramanopasaka sakadalaputra ko vratom ki upasana dvara atma – bhavita hote hue chaudaha varsha vyatita ho gae. Jaba pandrahava varsha chala raha tha, taba eka bara adhi rata ke samaya vaha shramana bhagavana mahavira ke pasa amgikrita dharmaprajnyapti ke anurupa poshadhashala mem upasanarata tha. Ardha – ratri mem shramanopasaka sakadalaputra samaksha eka deva prakata hua. Usa deva ne eka bari, nili talavara nikalakara shramanopasaka sakadalaputra se usi prakara kaha, vaise hi upasarga kiya, jaisa chulanipita ke satha deva ne kiya tha. Kevala yahi antara tha ki yaham deva ne eka ke nau nau mamsa – khamda kie. Aisa hone para bhi shramanopasaka sakadalaputra nirbhikatapurvaka dharma – dhyana mem laga raha. Usa deva ne jaba shramanopasaka sakadalaputra ko nirbhika dekha, to chauthi bara usako kaha – mauta ko chahane vale shramanopasaka sakadalaputra ! Yadi tuma apana vrata nahim torate ho to tumhari dharma – sahayika – dharmavaidya athava dharmadvitiya, dharmanuragarakta, samasukhaduhkha – sahayika – patni agnimitra ko ghara se le aumga, tumhare age usaki hatya karumga, nau mamsa – khamda karumga, ubalate pani se bhari karhahi mem khaulaumga, usake mamsa aura rakta se tumhare sharira ko simchumga, jisase tuma arttadhyana aura vikata duhkha se pirita hokara pranom se hatha dho baithoge. Deva dvara yom kahe jane para bhi sakadalaputra nirbhikatapurvaka dharma – dhyana mem laga raha. Taba usa deva ne shramanopasaka sakadalaputra ko punah dusari bara, tisari bara vaisa hi kaha. Usa deva dvara punah dusari bara, tisari bara vaisa kahe jana para shramanopasaka sakadalaputra ke mana mem chulanipita ki taraha vichara utpanna hua. Vaha sochane laga – jisane mere bare putra ko, mamjhale putra ko tatha chhote putra ko mara, unaka mamsa aura rakta mere sharira para chhiraka, aba meri sukha duhkha mem sahayogini patni agnimitra ko ghara se le akara mere age mara dena chahata hai, atah mere lie yahi shreyaskara hai ki maim isa purusha ko pakara lum. Yom vichara kara vaha daura. Sakadalaputra ki patni agnimitra ne kolahala suna. Shesha chulanipita ki taraha hai. Kevala itana bheda hai, sakadalaputra arunabhuta vimana mem utpanna hua. Mahavideha kshetra mem vaha siddha – mukta hoga.